Malaysia lamzuan in hongzinkhia gunkuang khat kibung

Malaysia lamzuan in hongzinkhia gunkuang khat kibung

Malaysia gam zuanding in hong paikhia gunkuang khatpen Bay of Bengal tuipi kiukawi tengah kibung ahih manin mi sawmval si cih Bangladesh Authorities te’n Thursday ni in genkhia hi.

Hih gunkuang pen ngabeng te gunkuangneu Fishing Trawler akici te khat hi a, Malaysia gamsung zuanding in hongkuakhia illegal migrants vive ahihi. A honkhiatding in apai te genna ah Thursday ni zingsanglam in Kutubdia Island geiteng ah huihpi khauhlua ahih manin akibung hi ci uhhi. Nitaklam ciangin thunei te’n agenkhiatna ah mi 42 ki honkhiazo ci a, adang tuisung ah mi bangzah omlaiding cih ki gencianthei nailo cilai hi.

Tuaban ah gunkuang akibut ciangin alaulua in asibup a, asisuak mi 12 bang phading ci uhhi.

Hih hunkuang tungahzong mi bangzah taktak hongtuang uhhiam cih ka gencian theikei hi ci’n Duputy Commissioner Mohammad Ruhul Amin in genkhia hi.

Palik te upmawhna ah hih ngabeng gunkuang pen akibutma azan in Chittagong Coast pan hongki pankhia hiding hi ci uhhi. Human Trafficking vaitawh amakai te matding in thunei te’n akancian laitak ahihi.

Gunkuang pen pi 30 khawngbek sauding in gen uh a, hicia gunkuang in mi 60 kan puazolo ci hi. Ahi zongin hih gunkuang tungah hongtuang pen mi 100 valding hi ci’n asilo asuakta te’n genkhia uhhi.

2011 kumpan kipan in hih Bay of Bangel sungah gunkuang kibung zelzel a, misi bekbek 670 val phakhinta cihi. Tutung gunkuang tungah atuang te pen Bangladesh mite leh Rohingya mite vive cih kiza hi. Zomi te ki helkha losam ahih manin phadawmlai cihding ahihi. ZD Sawltak