Malaysia, KTMB Quaters meikanggawp, mi 30 val innneilo dinmun tung

Malaysia, KTMB Quaters meikanggawp, mi 30 val innneilo dinmun tung

Malaysia, Kuala Lumpur, Bangsar Utama vengsung aom KTMB Quarters pen tuzingsang in meikang ahih manin, mi 30 bang belhding innneilo Homeless dinmun tungziau uh cih NST pan kiza hi. Bangsar Utama, Lengkok Abdullah KTMB Quarters ah Unit bekbek akigawm in 10 bang aom hi a, tuateng thatkhatthu in akanggawpziau ahihi.

Unit 10 bang akatban ah Motor zong 3 kangtum in, Communal Garage ah akikoih Motorcycle khatzong kangtum hi. Motor tezong Communal Garage sungmah ah akikoih hi a, akangtum Motor tepen Perodua Myvi, Proton Iriz, Proton Waja kici hi.

Tuni Monday zingsanglam 10am hunpawl in meikang akipan hi a, mihing pen asi aliam kuamah omlo bilbel hi. Ahi zongin tua Quarters sungah aomte pen asilhlai apuan khattekbek uhtawh taikhiaman uh a, vandangte bangmah nawnkhiatman neilo uhhi.

Kum 30 aphakhin ahi tua Quaters sungah aomkha khatpa ii genna ah meikat laitak in lupna ah alum kahihi. Kathawh ciangin innsungteng meikhu vive tawh kituamcip a, tuaciang in amanlang in innpualam ah kataikhia vingveng hi. Ka Motorcycle leh laithupi Documents pawlkhat ka taikhiatpihthei a, ahi zongin adang kavan neihsa khempeuh meikuang tawh kangtum hi ci’n genkhia hi.

Hih meikatvai tawh kisai in Pantai Fire and Rescue Department makaipipa in agenna ah zingsanglam 10:03am hun in patau meikang om cih Distress Call hongki zasak hi. Tuaciang in Pantai, Hang Tuah, Setapak, Seputeh, Taman Tun, Sentul cih vengsung aom Fire Station panin meiphelhding mi 60 in kidelhpah ngeingai cihi.

Minute 10 sungkhawng aphelhhuan khituh ciangin meikuang pen sumitzopan uhhi. Meikatna ahang, koipan kipan cihte pen thunei te’n akanciansan laitak uh ahihi.

More: Malaysia, Sentul aom Motorcycle zuakna meikang, numei khat kangtum

KTM Berhad chief executive officer Rani Hisham Samsudin in agenkhiatna ah tua meikatna hangin atuahsia tepen mikhat ciangin RM3000 ciat huhna kipiading hi ci’n pulakkhia hi. Tuaban ah Quaters sungah aomkha tepen aneihsa avekin akangtum ahih manin, nikteen puansilh zong huhna ki ngetsakding hi ci’nzong genkhia hi. Sawltak #zomidaily