Malaysia, Jempol District sungah Lorry kibung, mi 2 si, khatliam

Malaysia, Jempol District sungah Lorry kibung, mi 2 si, khatliam

Malaysia, Negeri Sembilan State sung aom Jempol District sungah Sunday ni zingsanglam in Lorry mawtaw golpikhat kibung in mi 2 si in, khatliam cih theStar pan kiza hi. Jalan Bahau-Kemayan kici lamzikpi tungah Sunday zingsang in akibung hi a, hih Lorry sungah “Frozen Chicken” kici ak gawhsa adim phitphet in apua ahihi. Asi 2 tepen mawtaw hawl Lorry Driver leh anungzui khat ahihi.

Anungzui adangkhatzong liamgawp cihi. Lorry Driver papen Bangladesh gammi hi a, kum 46 aphakhin Tanvir Ahammed Siddique kici minnei khat ahihi. Asi adangkhatpa pen kum 46 aphakhin Ismail Fadlizah kici minnei khat ahihi.

Anungzui adangkhat, asilopa pen kum 29 aphakhin Mohd Syaaban Mohd Amin kici minnei khat ahihi. Tuapa pen Jempol Hospital ah kipuaksuak pahhi.

Jempol OCPD pan palik ulian khat ii genna ah hih tuahsiatna apianhun pen Sunday zingsang 5:30am hunpawl hi a, mawtaw akawina panin kilumlet cihi.

More: “US Travel Ban” hangin Malaysia US Embassy mai ah lungphona kinei

Asi nihte pen mawtaw amaibuk sungah kigawicip uh ahih manin, asi cihzong genkhia hi. Asi 2 te ii aluanghawm zong Jempol Hospital ah Post-mortem bawlding in kipuak cih kiza hi. ZD Sawltak #zomidaily