Malaysia gamsung migilo te’n Grenade Bomb 8 bang neiding ki ummawh

Malaysia gamsung migilo te’n Grenade Bomb 8 bang neiding ki ummawh

Malaysia gamsung aom migilo pawlkhat in khutlot apuakkhamthei Grenade Bomb neilai khading uh a, gamsung ah buaina piangsakthei khading uhhi ci’n Police counter-terrorism Unit panin Mr Ayob Khan in genkhia hi.

Hih khutlot Bomb tawh June khasung inzong Puchong aom Movida Nightclub ah migilo te’n khatvei puakkhamsak ngeikhin uhhi. Tuapen Syria gamsung aom Malaysia gammi migilo te gamtatna hi a, khualgamla panin Malaysia gamsung ah migilo te gitloh ngongtat gamtatna amasapen zong hipah hi. Tua Puchong a Bomb puakkhampen Malaysia gammi te’n ki ginkholhna Alarm bangin lakding thupi a, gamsung khempeuh ah pilvangtak in ki ginkholhding thupi hi cihzong genkhia hi.

Nidang in hih migilo te’n apuakkhamthei vante neilo, bawltheilo uhhi. Ahi zongin Puchong Bomb puakkhapna ih etciangin hih migilo te’n Bomb zatdan hongtheita uh ahih manin patauhhuaita hi ci’n Mr Ayob in CNA te tungah genkhia hi.

Tulaitak migilo te khutsung ah Grenade Bomb tang 8 bang omlaiding in ki ummawh hi. Tuate tawh Malaysia gamsung aom kumpizum Government Offices, gualnop pawibawlna Entertainment Outlets leh palik galkap te phualpi Army and Police Headquarter cih te ngimin neikhading uh cihi.

Kumpi thukan te’n Intelligence Reports tungtawn in migilo te’n Grenade Bomb tang 10 aneih uh hi a, Puchong Movida Nightclub ah khat kizangkhin hi. Johor ahzong tangkhat ki mukhia hi. Tu in adang tang 8 pen migilo te khutsung ah omlaiding cimawk hi.

Hihbangteng hangmah inzong Malaysia kumpi thunei te in gamsung siansuahna anei kawikawi uh hi a, tuakawmkal ah Permit leh Visa bangmah aneilo te’n matlehhen athuakkha ahihi. ZD Sawltak #zomidaily

More: Malaysia, Puchong aom Pub khatah Bomb puakkham, mi 8 liam

Zomi khatpeuh in leitung thuthak atheihlawh dingin lamen hang. Zomi Daily ah nonghawh zelzel manin lungdam mahmah hi!