Malaysia gamsung ah Zika Virus angahthak khat ki behlap

Malaysia gamsung ah Zika Virus angahthak khat ki behlap

Malaysia gamsung ah Zika Virus natna angah khat ki muhbeh cih NST pan kiza hi. Tua aki muhbeh Zika Virus a ngahpen kum 67 aphakhin papi khat hi a, Petaling Jaya, Selongor sung aom ahihi. Amahtawh akigawm in Malaysia gamsung ah Zika Virus angah mivekpi akigawm in 8 phata cihi.

Health Director-general Datuk Dr Noor Hisham Abdullah in tuni Statement ah agenkhiatna ah hihpa pen cisa nattun in, lung am leh asungpai ahih manin, November 28 ni in zatolup kipan a, tuapan in Zika Virus aneihlam ki mukhia cihi.

December 09 ni in National Public Health Laboratory (MKAK) leh Institute for Medical Research (IMR) te’n Zika Virus neicih kipsakna aneih uh ahihi.

Cinapa pen hih Zika Virus angahma in agamtatna teng akidotkik ciangin November 14 pan 28 sungteng Kuala Lumpur, Shah Alam leh Perak State sungteng ah zinkawikawi cih kiza hi.

More: Dotna le Dawnna: Zika Virus natna i cih bang hiam?

Zika Virus pen bangpan kilawhthei hiam cihleh natna anei Aedes Mosquitoes akici thongkang te tungpan in kilawhthei hi. Tuaban ah anu in hih natna aneihleh asunga apaai naungek inzong ngahthei hi. Tuaban ah numei pasal omkhopna paninzong ki lawhthei a, sisan kihopna Blood Transfusion paninzong ki ngahthei hi. ZD Sawltak #zomidaily