Malaysia gamsung ah Wifi amawkna in na zatnopleh: unifi

Malaysia gamsung ah Wifi amawkna in na zatnopleh: wifi@unifi

Malaysia gamsung aom Zomi te’n Wifi amawkna “Free” in zattheih nading thuhoih, thuthakkhat kong theisaknuam uhhi. Malaysia gamsung ah tuciangciang Internet Service apiateng lakah ahatpenpen khat ahi Telekom Malaysia te’n “Data Plan” athakkhat vaihawmkhia uhhi.

Malaysia Prime Minister Datuk Seri Najib Tun Razak ngiatin Monday ni in Unifi App athak honpawi neihsak a, tuapen “i-foundit!” cih minvawh uhhi.

Nidang in Malaysia gamsung ah Internet Wifi Service pen Telekom Malaysia te’n “TM WiFi” cihtawh Service piamasa uhhi. Tuapen tu’n “wifi@unifi” cihtawh laih uh a, Malaysia gamsung muntuamtuam panin Internet Wifi zattheih nadingin avaihawm uh ahihi.

Hih wifi@unifi tungtawn in Malaysia gamsung ah tukum 2017 beidong Wifi amawkna in ki zangtheiding hi. Tuabang in Wifi amawkna in zattheih nadingin amasapen in Google Playstore ah nalut masak kulding a, tuapan in i-foundit! akici App pen na Mobile Phone sungah na Install kulding hi. (Google Playstore ah unifi cihtawh zonglecinzong hongsuak lelding hi.)

Tua i-foundit! App na Install khitciangin Facebook ahih keileh Google Account khatzawkzawk tawh na Login kulding hi. Login nabawlkhit ciangin Wifi Hotspot na omna tawh akinai penpen teelziau in, Wifi amawkna in zattheih ahihi.

Tulaitak Malaysia gambup ah Wifi Hotspot akigawm in muntuamtuam mun 5800 bangah omkhin hi. Hih Service pen akipatcil ahih manin, tukum beidong amawkna in kizangthei a, kumthak ah naikhat piasawm (10 cent/hour) tawh sumpia in ki zangden theihi.

Telekom Malaysia (TM) te’n tulaitak Broadband Cusmoters bekbek mi 2.36 Million bang neikhin uh a, tualak ah Unifi Customer bekbekzong Million khatval phakhin cihi. (Nidang in TM Broadband cihtawh Internet Broadband Service pia uh himahleh, Unifi cih Brand thak azatkhit uhciang in Unifi vivetawh Broadband Service piazawta uhhi)

Related: Malaysia TM te’n Internet Speed ahat semsemding in vaihawm

Tulaitak Unifi panin apiak Unifi eBiz Package tepen BIZ LITE, BIZ ADVANCE, BIZ PRO cihbang in minvawh uh a, Internet Speed ahatna pen 100 megabites per second (100 Mbps) bang hiliang hi.

Sangnaupang, adiakdiak in Student Visa khawngtawh aomte’nzong Unifi edu package kilathei hi. Unifi educ package pen LITE, ADVANCE, PRO cihbang in Plan 3 neisak uhhi. Malaysia gamsung ah Internet Service alathak dingte’n Unifi mah zat huai hi. Sawltak #zomidaily