Malaysia ah laisinna Sanginn nih meikang

Malaysia ah laisinna Sanginn nih meikang

Malaysia, Sarawak State sung aom singtawh akilam sanginn Block nih te zanni (10 October) nitaklam 3pm hunpawl in meikang cihthu theSun Daily pan kiza hi. Sanginn minpen “Sekolah Kebangsaan Sungai Sugai” kici a, Jalan Entabai, Pakan sung aom ahihi.

Sanginn Block amasa sungah laisinna Classrooms nih aom hi a, avekin meikanggawp hi.

Sanginn Block nihna sungah laisinna Classrooms nih mah om a, tuaban ah sangsiapipa Headmaster Room, Administration Room, Teacher Room leh Resource Center cihbangin aom dimdiam ahihi. Tuateng avekin meikanggawp cihi.

Hih sanginn Block nihsungteng pen mei akatciangin nai khatzong sawtlo in avekin kilawhgawp cihi. Sangnaupang te ahihleh amau giahna Dormitory ah omkim bilbel uh ahih manin, hih meikatna hangin asi aliam kuamah omlo hi.

“Bintangor Fire and Rescue Station” panin thunei uliankhat ii genna ah zingsang 3:23pm hunpawl in Fire Station ah Phone tawh hongki zasak a, meiphelhding in Firefighters mi 10 kikuankhiapah a, aphual ah 4:22pm hunin katung uh cihi. Sarikei Fire and Rescue Station paninzong meiphelhding in Firefighters mi 9 hongkuanthei uh ahih manin, meikuangteng nitak 5:25pm hunin ki phelhsiangzo ci’n genkhia hi. ZD Sawltak #zomidaily