LZI Kipawlna Thupulakna: Thukimna leh Kiteelpi

Thupulakna (Press Release) December 11, 2015

LZI Kipawlna Thukimna leh LZI Kiteelpi
Leitungbup Zomi Innkuan (LZI) Kipawlna Executive Council (EC) Pawl in, muntuam gamtuam a om tuipi galkaai Zomi-te khua leh tui kipawlnate tung pan, tu laitak a LZI Kipawlna dinmun leh mailam kalsuanna ding tawh kisai muhna, sandan leh ngaihsutna kaikhawm in maban kalsuan dingin thu kikhensat hi.

LZI EC Pawl thukhensatna bangin, October 19, 2015 ni in, LZI Kipawlna tawh kisai “Sandan leh Ngaihsutna Kaikhopna, leh Thukimna Laipi” (Thukimna Laipi) kihawmkhia hi. Thukimna Laipi sung ah anuai a thulute kihel hi.

LZI Kipawlna tawh kisai thusunte
1. LZI Kipawlna leh a Ngimna Bulpite tawh kisai ngaihsutna leh thukimna
2. English kam in LZI Kipawlna min
3. LZI Kipawlna Zomi Innpi (General Assembly) ah Tangmi (Representative) puakna
4. LZI Kipawlna Executive Council panmunlen phazah
5. LZI Kipawlna Executive Council panmunlente septan (Term)
6. LZI Kipawlna Kiteelpi
7. Kipawlna tuamtuam pan Tangmi ngetna
8. LZI Kipawlna Kiteelpi ah EC panmunlen ding teeltheih Makaite (Candidates) ngetna
9. Thukimna Liapi kipsakna, min thuhna

LZI Kipawlna Thukimna Laipi pen leitung gam (14) a om tuipi galkai Zomi-te khua leh tui kipawlnate ahi, Zomi Innkuan leh Zomi kipawlna (16) tung ah akipuak ahi hi. Zomi-te kipawlna tuamtuam pan Makaite in Thukimna Laipi sung a thu leh late kicing takin kikupna nei uh a, LZI EC Pawl tung ah thu hong puakkik uhhi. Thukimna Laipi pen gam (12) a om Zomi Innkuan leh Zomi kipawlna (12) in dotnate limtak hong dawngin, thukimna lahnate kician takin hong bawl uhhi.

LZI Kipawlna tawh kisai Thukimna Laipi ahong puak kipawlnate anuai a teng ahi hi.
1. Zomi Innkuan Germany
2. Zomi Innkuan UK
3. Zomi Innkuan Denmark
4. Zomi Innkuan Norway
5. Zomi Innkuan Sweden
6. Zomi Innkuan Korea
7. Zomi Association of Malaysia
8. Zomi Innkuan (Singapore)
9. Zomi Innkuan New Zealand
10. Zomi Community Australia
11. Zomi Community Canada
12. Zomi Innkuan USA

Gam tuamtuam pan hong kipuak LZI Kipawlna tawh kisai Thukimna Laipite zui in, LZI Kipawlna pen picing takin maban kikalsuan ding a, English kam in kipawlna min pen “Zomi International Communities Organization” in laih dingin atamzaw thukim hi. Kipawlna atamzaw in LZI EC Pawl panmunlen phazah (15) laihloh ding leh, panmunlente septan (Term) pen kum (4) dingin thukim hi.

Thukimna Laipi zui in, ahong tung ding December 16~30, 2015 ni sungteng, Online Voting System tawh LZI Executive Council panmunlen kiteelna (LZI Kiteelpi) kibawl ding hi.

LZI Kiteelpi sung ah Zomi Innpi (General Assembly) panmunlente ahi, kipawlna tuamtuam pan akipuak Tangmite (Representatives) leh tu laitak a Executive Council panmunlente in Vote khia thei ding hi.

Thukimna Laipi tungtawn in kipawlna tuamtuam pan akipuak Tangmi vekpi mimal (40) pha a, LZI Kipawlna Zomi Innpi ah panmunlen mimal vekpi (50) pha hi. (Theih ding, EC Pawl sung a Makai pawl khat Tangmi in kipuak ahih manin, a phazah kilamdang hi).

Thukimna Laipi tungtawn in LZI Kiteelpi ah teeltheih ding Makai kuangluite (Candidates), kipawlna (10) panin akipuak mimal (26) leh, ngeina bangin EC Pawl in apuak mimal (9), Candidates vekpi gawm Makai (35) pha hi. Hih Candidates teng sung panin LZI EC panmunlen ding Makai (15) akiteel ding ahi hi. Teeltheih ding Makaite (Candidates) min khumna anuai a bang ahi hi.

LZI EC Candidates

1. Zomi Innkuan Korea
(EC01) Pa Mang Suan Khai, President, ZIK
(EC02) Tg. Kam Lian Mang, General Secretary, ZIK

2. Zomi Innkuan UK
(EC03) Pa John Thang Sian Mung, President, ZIUK
(EC04) Pa Suan Khan Thang, Coordinator, ZIUK
(EC05) Pa Ngin Dai Thang

3. Zomi Community Canada
(EC06) Dr. Cin Lam Thang, Ph.D. President, ZCC
(EC07) Pa Hau Suan Mung, Secretary, ZCC
(EC08) JosephPau Lammung Suante, Treasurer, ZCC

4. Zomi Innkuan Germany
(EC09) Tg. Khai Suan Khup, Secretary, ZIG

5. Zomi Innkuan (Singapore)
(EC10) Dr. Hau Za Cin, Ph.D. President, ZIS
(EC11) Pa Khup Khawm Mung, Secretary, ZIS

6. Zomi Innkuan Denmark
(EC12) Tg. Thang Mun Muang Thang, Vice President, ZID
(EC13) Pa Mang Hauzel, Secretary, ZID
(EC14) Pa Hau Deih Mang, Treasurer, ZID

7. Zomi Innkuan USA
(EC15) Dr. Do Khan Khup, Th.D. President, ZIUSA
(EC16) Pa Go Sawm Khup, P.E., President, LZI; GS, ZIUSA
(EC17) Rev. Pau Khan Khai, Advisor, ZILouisville
(EC18) Rev. Zam King Mang, Advisor, ZIPortland
(EC19) Pa Tual Khan Suan, Vice President, ZIUSA
(EC20) Pa Disciple Kap Sian, Asst. General Secretary, ZIUSA
(EC21) Pa Nang Lam Thang, President, Iowa ZI

8. Zomi Innkuan Norway
(EC22) Tg. JK Kam, Ex. President, ZIN

9. Zomi Innkuan Sweden
(EC23) Pa H. Lian Do Tongseal, Vice President, LZI; President, ZIS
(EC24) Nu Cing Khan Huai, Secretary, ZIS
(EC25) Pa Zam Khan Khai

10. Zomi Innkuan New Zealand
(EC26) Pa Pau Kap Thang, President, ZINZ

11. EC Nomination
(EC27) Pa Gregory Kap Suan Lian, General Secretary, LZI; EC, ZIUSA
(EC28) Pa Pau Khan Khup, Treasurer, LZI
(EC29) Pa Sian Ngen Kam, Asst. Treasurer, LZI
(EC30) Pa Kham Suan Thang Tunglut, EC, LZI; Secretary, ZINZ
(EC31) Pa Khup Khan Thang, EC, LZI
(EC32) Pa Ngocinthawng Suantak, EC, LZI
(EC33) Pa Nang Deih Lian, EC, LZI; President, ZIDenmark
(EC34) Pa Gin Khat Lang, EC, ZIUSA (2008); Chairman, ZIOK (2006)
(EC35) Siama Don Ngaih Lian, ZIUSA Rep. to UNWomen2014

LZI Kiteelpi a kibawlkhit ciangin taangkona kibawlpah ding hi. Teelcing LZI EC Pawl tung ah panmun apna pen January kha sungin kibawl ding hi.

Lungdam hi.

Executive Council
Leitungbup Zomi Innkuan Kipawlna

Sd.
(Gregory Kap Suan Lian, Pa)
General Secretary

Sd.
(Go Sawm Khup, PE)
President

Tulsa, OK, USA
December 11, 2015