Lungsim lai gil

Lungsim lai gil

Puatham aw zol leh kamkhum tawh, Kipah tawi na in,
Vantung a leng huih mut, Meeilum thengpak tawh kibang hi.

Meeilum thengpak bang, Kam khum tawh kipah tawi na pen,
Humpi nelkai kam sung a om, Sakhi dawngno sangin kihtaak huai zaw hi.

Akih taak huai Humpi in, Nang hong petlo ding a,
Adik mahmah Ui no in, Na khut hong petliam sak ding hi.

Amel hoih mahmah Numei nu hangin, Na lungkham in khakham na vei lawh ding a,
Cilphih leh pangbet a thuak Meigongnu in, Nang hong lungdam sak ding hi.

Na heh mahmah lai tak in,
Alungtom mahmah na hih lam kingaih sunpha in.

Lungduai a mi na hehpih na tawh, nasup lawh leh,
Lungkia ken lungmuan na nangah ding hi.

Na hong makaih ding mi a zong na hih lai tak in,
Guam thukpi sung a kia, Tuno na hot khiat theih lam kiphawk in.

Mi haupa in, Inn hoih pi khat lam in, Mihaupa si-in Lei sungah kiphum a,
Inn hoih pi -in leitung luah hi.

Pilna zong mizawng pa pen,
Apuak khop a suang manpha pua, mihau pa sangin en huai zaw hi.

Ngun leh Kham deih mipa, Zawng semsem a,
Pil na nei mipa hau semsem hi.

Nagal pa in a thaltang tawh, na khepi ong kap vang sak a, na nasak sangin,
Ngaihsun khol lo pi a, Kampau khialh na nazaw kan lai hi.

Miphiat khat sung a, thu ngaihsut khialh na leh thu khensat khialh na pen,
Adam thei lo guh natna tawh kibang hi.

Thang C Khai