Lungduai kisinni

Lungduai kisinni

Zomi pih sanggamte damtek dingin ih thu ngetna leh ih lametna hi. Ki-it ding leh kingaih ding bek mah genbel in ih neih ding thupi kasa hi. Khat’ gelna, khat in hoih kisalo in ih ngaih sutnate kibang lo hi. Tuate khempeuh ih kiman zawh ih kithu tuah theihna dingin itna nei a lungduai tak in ih om ding thupi mahmah hi.

Pasian ading kipia khat pen ama deihna bang zuilo a Pasian deihna bangin a zuih ding a thupi masa ahi hi. Pasian nasepna ah lungduaina kisam kasa mahmah hi. Thubuai,nawngkai tam na pen adang tampi tak hang hilo in ih lungduai zawh loh man na hilel hi. Sang sia tampi takin deih sakna tawh a sang naupang te a sat hun a om sam hang, a lungduai zawh loh man a sat hun uh zong om veve hi. Deih sakna pen lungduai tak a hilh ding ahi hi. Tuhun ciang deih sakna sangin hazatna lungsim kipua zawta hi. A lawh cing khat hong omleh a lungdam bangin om napi hangin lungsim tawngah hazatna ih nei thei hi. Pawl khatte leuleu pilna a neih ciang kipha sakin pilna neilo makaite khawng sim mawh bawl thei hi. Ih pan mun tek ah kizah tak siamin om peuh leng ki thu tuah loh cih bang om ngeilo ding hi. Khang thak ten ih miluite thu dongin, milui(mi masa) ten khang thakte (pilna neite) zat siam ding pen ih kisin ding ahi hi.

A diakdiak in Pasian nasemte pen midangte sang lungduai ding a thupi zaw ahi hi. Hehna khempeuh Jesu min tawh iip a, ih mawhnate pulak a ih om ding thupi mahmah hi. Ih mawhnate sel cip a, ih hehnate ih suah khiat pah2 leh nungzui mipiten (tuu ten) hong zahtak zolo ding uh hi. Tuhun ciang Pasian nasem lungduailo kitam mah2 ta ahih manin ih ki sittel ding thupi kasa mahmah hi. Pasian na sepna ah ahi zongin, ih sep ih bawlna khempeuh ah lungduai ding kisin sawm ni tua hileh kimawh sakna, ki hazatna, ki elna cihte hong bei ding a ih maban khempeuh ah ih lawh cing ding hi.

Zomi ka hihi.
Suano
Malay