Leitungah Israel te laisim hat pen

Leitungah Israel te laisim hat pen

Leitungah Israel te laisim hat pen hi kici hi. Khutdawh gen te in zong laisim lo in omlo hi ci hi. A nihna pen Japan te ci hi. Kum khat in mikhat in laibu bu 8 peuhmah sim uh hi ci hi. Laisungah hauhna, khantohna le pilna te om hi cih thei uh hi.

Leitungah gamhau le mihau, mipil le a khongto pen tua gam te nihmah hi phadiak hi. Adang laisim a hanciam gam tampi omlai hi.

Zomi te in laisim i hanciam ding thupi hi. Manglai tawh a simthei te in manglai, kawllai tawh a simthei te in kawl lai le Zolai tawh a simthei te in Zolai tawh sim ding hoih hi.

Zolai sungah laibu hoih tampi om khin hi. Nengcikkhat (ka simkhak sunsun teng) hong gelhpak leng;

• 1. Rev. Hau Lian Kham Tangthu
• 2. Galvilpa aw Khuadak to in
• 3. Vantung mite tuallen na gam
• 4. Lawhcinna lampi
• 5. Zo history
• 6. GSPau ngel article tuamtuam Volume I-III
• 7. Kumpi za a luahding Khangno
• 8. Baihlamtak aa Nalianpi Sepna
• 9. Nihvei suak ding maw nihvei si zaw ding
• 10. Makaihpilna
• 11. Khristian Khualzinna
• 12. Nang a ding thaza pawlkhat
• 13. Ki telsiamna
• 14. Ihmutna le Hauhna
• 15. Pawlhuaina ding le Lawmgahna ding zia
• 16. Nu aw Lametna thu hong hilh in
• 17. Na kisap khat
• 18. Job Thawngno gelh JM Pau pu laibu

Laibu a simhuai tampi lakpan in ka phawkkhakpak teng kong gelh hi. A thulu zongh a hibang tektek hilo thei hi.

Bangbang a hizongin laisim hamciam ni. Nasepkhat mahin ngaihsun ni. Nasep ding hun le laisim hun ding nei ni. Paunak ah thatangtawh sepsangin pilna tawh semleng muibun zaw cih i zakzak sa hi.

Pilna tawh na i septheih nadingin pilna i zon kul hi. Pilna pen laibu sungah a dimlet in om hi. Kha 1 bu 1 peuhmah a tawmpen simsawm in. A tawpna ah kum 1 bu 1 peuhmah sim hamtang in. ‘Kalai sim tamlua, kisiklua ingh’ a ci ding mi omkhollo ding hi.

Kawlpi ZCLS zum ah laibu tam mahmah hi. Hibang laibu nuamtak a kikoihtheih nading ZCLS zum hongvaihawmte thupi mahmah hi. Zahtak huai hi.

Tuamahbangin Zomi khuapi Tedim ah zong laibu tawh kisai open takaa a kizuak, a kilei, a kikawm theihna khat omzo leh hoih lua ding hi.

Tuabeklo in Zomi Library khat neih huai hi. Tua mun ah sun le zan in lai a kisimthei dingin vaihawm huai hi. Khangno te in a hunawng uh niangtuisai peuh beer saipeuh ah hun i beisakloh nadingin vaihawm ding kisam hi. Siamsin Library