Leitunga Laibu ki deih deuhte
THE BIBLE:
Lai siangtho(Bible) pen leitunga laibu khempeuh lak ah tam a kizuak khia pen ahi hi. Copy 4000,00,00,000 val kikhen in kihawm khia khin
hi.Mun khat khatah a mawkna nangawn in kihawmkhia hi.Pau nam tuam tuam 2000 val in ki letkhia khin hi. A bu neu a lian cih bang dan in a tuam tuam in kibawl hi.Laibu bek tham lo in et theih leh bila ngaih theih dingin zong kibawl hi.
THE LITTLE RED BOOK:
Quotations from the works of Mao Tse Tung kici laibu pen a tuamna a san kizang zel ahihmanin ‘THE LITTLE RED BOOK’ cih tawh kithei zaw hi.Sente mi picing mimal kim phial in nei uh hi.Neih loh theihloh dan in ngaihsun liang uh hi. Copy 90,00,00,000 val kikhen khin hi.Kum 1966 – 1971 sung bangin Lai Siangtho zah in kikhawng hi.
AMERICAN SPELLING BOOK:
Hih pen misiam tungtuang Noah Webster ii’ gelh ahi hi. Kum 1783 a ki published hi in American inn kim phial ah ki nei ding hi. Copy 20,00,00,000 val kikhen khin hi. Webster Dictionary cih tawh ki thei zaw hi.
THE GUINESS BOOK OF RECORDS:
Leitunga a “Pen” te kiciaptehna laibu ahi hi.A ki published mas pen kum 1955 ahi hi.Tun copy 700,00,000 val kikhen khia ta hi.United Kingdom bangah kum sim in a nam tuam tuam 30 bang bawl den uh hi.
THE Mc GUFFREY READERS:
William Holmes Mc Guffrey ii’ gelh ahi hi.Kum 1853 pan kihawmkhia hi.Sangnaupang laisim bu dinga kibawl ahi hi. Copy 650,00,000 val kizuak khia khin hi.
A MESSAGE TO GRACIA:
Hih laibu pen Elbert Hubbard in kum 1899 a –a gelh ahi hi.Nasemte ki unauna leh sepkhawmna lam gelhna laibu ahi hi. Copy 600,00,000 kiim kigelh khia ta hi.
THE COMMONSENSE BOOK OF BABY AND CHILD CARE:
Hih laibu pen Benjamin Spock- in kum 1946 a –a gelh ahi hi. Copy 400,00,000 val kikhen khia zo hi. Lawmhoih, tanau laina nau ngek neithak te lungdampih nangin kipia zel hi.
WORLD ALMANAC: Namkim bu a kici thei phial khat hi.Kum 1868 a kigelh ahi hi. Copy 390,00,000 val kibawl khin hi.
VALLEY OF THE DOLLS:
Jacquline Susann-in kum 1966 a-a gelh ahi hi. Nungak tangvalna leh khamtheih guihtheih tawh kisai thugelhna ahi hi.Laibu zaknop mah mah khat hi. Copy 290,00,000 kiim kihawmkhia khin hi.
IN HIS STEPS:WHAT WOULD JESUS DO:
Hih lai bu pen kum 1896 a Charles Monroe Sheldon ii’ gelh ahi hi.Topa Jesu nungzuihna lam tawh kisai gelhna ahi hi. Copy 285,00,000 val kizuak khin hi.
Zokam tawh kigelh lakah Lai Siangtho Bu leh Tedim Labu cih loh buang a ki khawng lua om tuak lo hi.Lai bu lei leh laisim lam hanciam sem sem dih ni.
Pau Tun Thang
Comment piaknop aomleh...