Leitung numei khempeuh lakpan agikpennu Operation kibawlin 100kg kiam

Leitung numei khempeuh lakpan agikpennu Operation kibawlin 100kg kiam

Leitung ah numei agik penpen “World’s Heaviest Woman” dingin aki ummawhnu pen India gamah Operation kibawlkhinta cih Indian Doctors te’n genkhia uhhi. Tuanu pen giklua, thaulua ahih manin Weight-loss Surgery akibawl hi a, Operation akibawlkhit ciangin agihna 100 kilogram (220 pound) kiamtuam cimawk hi.

Tuanu minpen Eman Ahmed Abd El Aty akici khat hi a, Egypt gampan ahihi. Weight-loss Surgery akibawlma in agihna 500 kg bang pha ciliang a, leitung ah numei khempeuh lakpanin agik penpen dingin aki ummawhkhat ahihi.

India, Mumbai khuapisung aom Saifee Hospital ah 07 March 2017 ni in Operation akibawl hi a, zato panin Statement akhahkhiatna ah Eman Ahmed adingin alunghimawh leh Well-wishers te adingin lungdamhuai thukhat ah, amahpen Saifee Hospital aom Medical Team te’n bangmah nawngkaina omlo in Operation kibawl khinta hi ci’n genkhia uhhi.

Tulaitak pen zato mahah omlai in akam panin tuidawntheita hi. Medical Team te’n mailam ah khatvei akisamlaiteng bawlkik laiding uh a, amanlang in Egypt gam aciahtheih nadingin ki vaihawm dinghi ci’n kigenbeh hi.

Guinness Book of World Records te’n nungkum July kha in apulak khiat uh leitungah numei agikpenpen acih uhzong 293 kg bek ahihi. Kum 37 aphakhin Eman Ahmed Abd El Aty pen Operation akibawl khitzawh agihna 100kg bang akiam hangin, 400kg giklai veve ahih manin leitungah numei agikpenpen mah hilaiding kici hi.

More: Nisim Soft Drink bungnihval dawnna hangin Cancer ki ngahbaih (79% Risk)

Hihnu pen Egypt gamsung aom Alexandria City panin India, Mumbai khuapi ah Operation kibawlding in February 11 ni in atung ahihi. Egypt pan India alen nading vanlengzong atuamngiak in akibawl Modified Airbus khat kizang ciliang hi. ZD Sawltak #zomidaily