Launa cihpen FEAR

Launa cihpen FEAR

Launa cihpen FEAR: ‘False Evidence Appearing Real’, ‘a omlo a manlo thu a taktak bangin hong ompak thu hilel hi’ kici hi.

ေရခဲေသတၱာ (refrigerator) vive tawh nasepna sasai sungah Ni khat papi pa kamsiatna tawh kong kikhak nelh kha hi.

Pusuak khia thei nawnlo hi. A honding misam in a otot hangin a pualam pan in kuamah in za nawnlo hi. A ngaihsutna sungah ‘aw kei ေရခဲေသတၱာ sungah a om ka hive maw’ ci in laumahmah hi.

Zanthapai in hisungah om leng a siding ka hihi ci in launa leh upna tawh kidim hi. Tuabang tengtawh nai thumsung ding bang tua inn sungah om hi. Nitak ciangin kaamphatna tawh a lawmte khat a thupi mahmah sumsazian nusia kha ahihmanin tua innsungah hong pai hi.

Tua numei in A et leh a lawmpa sasai sungah a khut a khe khauh cip khinta hi. A khutte tuikhal bangin vot kilkel hi. Khua phawk nawnlo hi. Zato ah a manlangtak in puak uh hi. A lungtang bek a na khawlnai lo hiaa a sivui sungah site a pai nawnlohna mu uh hi. A khuakbu te a khalh na ding minute tawmno bek kisam lai ahihna siavuante in gen hi.

Siavuan te bawlsiamna hangin dam kik sam hi. A lawmte in lamdangsa mahmah uh hi. Banghang hiamcih leh tua inn sung pen ေရခဲေသတၱာ bangin a kizatloh zawh kha 3 val khin ahihman ahihi. Papi pa in a kizanglai, a vot lai mah sa in lau hi. Mite in zongh lamdangsa bek hilo in umzolo phial uh hi.

Tua mipa awkna inn leh a veng a paamte inn ii a lumna leh a votna a kikim hilel hi. Khua votna in mipa a sia sak hilo aa a lungsim sungah upna leh launa in a thatlum dektak ahihi.

Ki honkhia lo hileh a votlo pi mahin a votna aa te mahbang in a keugaw ding ahihi.

Tuabangaa upna leh launa in silesa keusak, si san khalsak, khuakbu ngaihsutna susia bek hilo in a mi mahmah a that thei ahihi. Laulohna leh upna man a nei hileh tua mipa si vet lo ding hi. Tuahiaa Lau kei in. Lau kei in. Hat inla Hangin. Book Ref: Baihlamtak a Nalianpi Sepna/ Siamsin Library