Kumnih aphapan naupangno khat Pi 20 athuk hawkguam sungah kiasuk

Kumnih aphapan naupangno khat Pi 20 athuk hawkguam sungah kiasuk

China ah naupangno kum 2 aphapankhat inn kilamna Construction aom tuinin paikhiatna hawkguam sungah kiasuk cih South China Morning Post pan kiza hi.

China, Henan Province sungah Saturday ni thupiang hi a, akiatna hawkguam dumthukpen Meter 6 (Pi 20 dektak) athuaksuk ahihi. Hawkguam tuinin luankhiatna “Drainage Pit” zongpen azaina Diameter 36cm bek hi a, huih zong hoihtak ngahlo cisawnsawn hi.

Akia naupangno pen numei hi a, akiat akitheih ciangin tua tuinin paihna Drainage pen Firefihters leh Emergency Service te’n tokhiapah ngekngek uhhi. Firefighters te’n naupangno huihsiangtho hoihtak ngahloding cih thei uh ahih manin, Oxygen huih anuai ah aluttheih nading in hanciam uhhi.

Leisungteng Crane mawtawpi tawh tokhia uh a, nai 1 sungbang mitampi in abuaipih khit uhciangin naupangno pen anuai ah mukhiazopan uhhi. Video Clip aki Record zong ki khahkhia a, naupangno pen aki muhkhiat ciangin amanlang in zato ah kipuakpah cihi.

Hih naupangno pen lamzong apaithei nailo, abawhvaksa in akimawlna panin hih dumthuk hawkguam sungah akiasuk ahihi. Video Clip pen Online Social Media ah aki khahkhiat ciangin ahonkhiat Firefighters leh Emergency Service te kipahtawi mahmah a, thupi kisa mahmahtak hi.

Abeisa kum 5 sungah hihbangin tuikhuk leh dumthuk sungah naupang kia cihpen Sengam ah tammahmah cimawk hi. Nungkum in Legal Evening News te genkhiatna ah 2011 kum akipang naupang Youngsters atuahsia in asi pen mi 35 bang phakhin cimawk hi.

Asi mi 35 lakah alangval bangpen atuahsiat laitak in naupangno te amauguak aom laitak uh hizaw cihi. Naupang limtak kikemlo cihna hihtuak zawpian hi. Tuaban ah tuahsiatna atamzaw pen Henan Province sungpan vive hizaw cihi.

Tukum kipatlam inzong hihbangdan in tuahsiatna khat Shandong Province ah piangngei hi. March khasung in Meter 10 athuak tuikhuk sungah naupangkhat kia in ki honkhia ngei hi. April khasung inzong Meter 15 athuak tuikhuksung ah pasalno khat kia in, nai 9 khitciangin ki honkhiazo pan hi.

More: Somalia gamsung ah kialpi tung ahih manin ninih sungin mi 110 si

UN Agency Unicef te’n 2015 kum in agenkhiat, apulakna ah China gamsung ah kumsim in naupang 60,000 bang tuahsiatna Accident tawh siden cimawk uhhi. Tuabang in asi naupang tepen atamzaw tuikia, lampi tungah Accidents, asangpan in kiasuk, gankhin in pet cihbang ahihi ci’n Unicef te’n pulak uhhi. ZD Sawltak #zomidaily