Malaysia, Klang lei nuaiah numeikhat aguaktang in asisa in kimu

Malaysia, Klang lei nuaiah numeikhat aguaktang in asisa in kimu

Malaysia, Klang vengsung aom khetawh lamzikpi kantanna “Pedestrian Bridge” nuai ah numeikhat aguaktang dekphial in asisa in kimuh cih theStar pan kiza hi. Klang, SK Kampung Wawa 2, Jalan Raja Nong aom Pedestrian Bridge nuai ah zanni Monday (Dec 18) zingsanglam in akimukhia ahihi.

Tua numeinu pen Pandamaran vengsung ah ateengngei khat hi a, kum 37 aphakhin khat ahihi. Ta zong 2 aneikhin hi a, ahi zongin abeisa kum 2 hunpawl akipan a innkuanpih tetawh ki thuzakna omlo in, amanthangcip ahihi.

Ahi zongin zanni zingsang 7:40am hunpawl in Pedestrian Bridge nuai ah asisa in khuasungvak Passerby te’n mukhia uhhi. Tua numeinu pen abombitom “short pants” leh abombi sungteen “underwear” tepen asiatmit dongah aki suahkhiasuksa in akimukhia ahihi.

Hihvai tawh kisai in palik thunei ahi South Klang OCPD Asst Comm Shamsul Amar Ramli in agenna ah hihvai tawh kisai in mi 3 kimankhin a, athu hoihtak aki kanciansan laitak ahihi ci’n genkhia hi.

Tua asi numeinupen ami ataklam ahzong liamma akikuigawp om in, atalbo tengzong bawkgawp cihi.

Tuciangciang athu akitheihna, innitial investigation akibawlna ah tua numeinu pen pasal neikhin in, apasal tawh kikhen cihi. Apasal pen Kuala Kangsar sungah om kici hi.

Apasal tawh tanu 2 nei in, tua atanu tepen kum 10 leh kum 15 phakhinta uhhi. Amahpen mangthangcip ahih manin, atanu tepen anaunu in Shah Alam ah kepsak cihi.

More: Singapore ah numeikhat aguaktang dekin lamlam ahih manin kiman

Hih numeinu pen mundang ah aki thatlupkhit ciangin aluanghawm pen Klang Pedestrian Bridge nuai ah akipai hidingin ki ummawh hi. Aluanghawm pen Hospital Tengku Ampuan Rahimah ah kipuak a, Postmortem bawlding cih kiza hi. Sawltak #zomidaily