Tuni 15 August zingsanglam in Malaysia, Klang vengsung aom Sri Kota Specialist Medical Centre te ii vankoihna Maintenance Storeroom meikang cih theStar pan kiza hi.
Selangor Fire and Rescue Department te genkhiatna ah zingsanglam 10:35am hunpawl in hongkisam a, hongkisapzawh Minute 5 sungin meiphelhding in Firefighter mi 13 kikuankhia in, aphual kitungpah cihi.
Kota Raja leh Andalas Fire Station pan in meiphelhding mi pawlkhat leh zato te ii Emergency Response Team te’n meikatna munah phelhhuan uh a, zingsang 11am hunpawl in phelsiangzo uhhi.
Thunei te genkhiatna ah hih vankoihna Storeroom pen zato ii dawl 9 na ah aom hi a, meikatna hangin limsiat mahmah cih genkhia uhhi.
Ahi zongin meikatna hangin zatolum te leh nasem te asi aliam omlo uhhi. Hih mei bangcikat theihhiam cihleh meikatna hangin bangzah supna om cihte aki kancian laitak cihthu kiza hi. ZD Sawltak #zomidaily
Zomi khatpeuh in leitung thuthak atheihlawh dingin lamen hang. Zomi Daily ah nonghawh zelzel manin lungdam mahmah hi!
Comment piaknop aomleh...