Kuala Lumpur pan Kuching azuan vanleng sungah Passenger khat si

Kuala Lumpur pan Kuching azuan vanleng sungah Passenger khat si

Malaysia gamsung ah vanlengkhat Kuala Lumpur khuapi panin Kuching City zuanin alenlaitak Passenger khat vanleng sungah si cih Bernama pan kiza hi. Tua vanleng pen Malindo Air te vanlengkhat hi a, Passenger asi pen pasalkhat ahihi.

Malindo Air panin thunei te genkhiatna ah tua Passenger asipa pen amin Wong Ho Huah hi a, kum 46 aphakhin khat ci uhhi. Amahpen Sisan Cancer natna ahi “Leukemia” natna anei hi a, tuni Sunday (March 25) ni in South China Sea tuipi tungah vanleng alenlaitak in asi hi ci’n genkhia uhhi.

Tua asi Passenger papen Malindo Air Flight OD 1606 vanleng sungah asanggam pasal khattawh atuangkhawm uh ahihi. Kuala Lumpur International Airport (KLIA) panin Kuching International Airport (KIA) zuanin Malindo Air tawh alenkhiat khitzawh asawtlo in vanleng sungah 11:10am hunin asi hi ci’n Flight Supervisor in genkhia hi.

Vanleng sungah misi aom ciangin vanlenghawl te’n Police te zasakkhol uhhi. Kuching International Airport ah tua vanleng pen 12:03pm hunpawl in tungthei a, Sungai Maong Police Station panin palik honkhat in vanlengtual ah delhpah uhhi.

Police thukan te genkhiatna ah tua Passenger asipa pen Leukemia (Cancer) natna tawh asi hi, bangmah ki bawlsiatna omlo in anatna tawh asi hi ci’n genkhia uhhi. Amahpen Cancer natna aneihzawh kum 2 bang avalkhin kici hi.

More: India ah Passenger Bus khat tuisung ah kia in, mi 36 in sihlawh

Kuching deputy police chief Supt Abang Junaidi Abang Anuar in agenna ah hih buaina pen bangmah ki bawlsiatna omlo, asivat “Sudden Death” hi ci’n tuni in Statement ah genkhia hi. Asipa ii aluanghawm pen Sarawak General Hospital ah kipuak a, asihna akician in velcianna Postmortem kibawlding cih kiza hi. Sawltak #zomidaily