Khut meleng thahatna (The power of little finger)

Khut meleng thahatna (The power of little finger)

2015 kum kawlgambup kitelpi ah kasuah kakhan vote kakhiat cilna hi. 1990 kum lai kumcing lo in khia theilo. ZNC bel kahih theih tawp in panpih ing. 2010 kum bel kapiaknop khat zong omlo aih ciang a piavet lo. Piatakei leng azo a bawlding uh theihsa aih ciang a thadah lua e. 2015 kum in akhatveina vote pia demdam sam ing.

Tamwe, Yangon pan pia ing. NLD pia ing. Kapiak teng in ngah in tualak ah khat ahi U Win Myint bang kawl kumpi hong suak liang hi. Tutung zong Zogam pan vote kapiak cilna ding hi in kapiak dingte bel hampha hamtang ding hi. “Khut Meleng ” in vang nei mahmah hi.

Tauleng khangno gam leh minam it mahmah khat ka inn ah hong hawh ngiat a ong dotna pan kadawnkikna mah hong genkik leng:

“ZCD agina hetkei tazong in adang apiak huai zaw om tuanlo aih teh ZCD mah piak in om mai lo dia” Pu Lengtong Pauno in “Zomite hailua sa ing Zomi kahi” acih dan man hi ei guai. Kawl lak a om hileng bel NLD/PPP/People’s Party khat teeiteei pia ning. Zogam ah bel piakding dang om kei. Takkheh !!! Mung Laan Thang (Tonzang, Zogam)

Khasia Kei In!

Hong phawk mahmah ding; hong deihsak mahmah ding a na lam-et te’n hong phawk khak kei leh khasia kei in.
Mihingte’ itna leh thukhualna pen tua dan mah hilel a, muantak suantak hetlo hi.

Pasian in hong phawk peuh leh phazo lel hi. Ama’ phawkna pen kicing mahmah hi. Paikhiatna 2:24 ah
“Pasian in amau’ thumna za-in, Pasian in Abraham, Isaak leh Jakob tawh a thuciamna phawk hi” ci hi.
Kum 500 bang valkhin keei napi Pasian in mangngilh tuanlo in na phawklai veve hi.

Phawkna bek tawh mailo in “Sepkhiatna” ( Action) in zuilian hi. Pasian’ phawkna hang in kum 400 saltanna pan in suakta hiau uh hi. Mite’n hong phawk keek leh zong bangmapi hong pia zoding hingaplo ahih man in hong phawkloh hang khasiat ding hilo hi.

More: Naungek khat leisung ah aki phumzawh ni 3 ciangin ahinglai in ki mukik

Hong piazo, hong huhzo, hong honkhiazo Pa in hong phawk peuh leh phazo mahmah hi. Tangtel bang lel, belpuansia bang lel, nindalna abang lel eite hong it a hong phawk ngeungau zawzen Pasian mah belhtak pen hi. Amen !!! Mung Laan Thang (Tonzang, Zogam)