Khitui Gospel pan Kawlpi huam Covid Huhna

Khitui Gospel pan Kawlpi huam Covid Huhna

1. July 12,2021 ni Innmai ah kihawm ip 130, innkuan 650 tangin hong la

2. July 23, 2021, ni innkuan haksate huhna Pawlpi zui a kihawm innkuan 442, ai ip 221, Pawlpi 44 in hong la

3. Pasian Nasem ahamsa zawdeuhte le COVID hang a innkuanpih anusia omte huhna , antang ip 1, Sathau tawi 1, July 28, 2021 a kipia innkuan 27, leh antang ip 1, Sathau tawi 1, Besan tawi 1, July 29, 2021 a kipia innkuan 50 phata.

Kawlpi huam sung bekbek ah tuni ciang Covid hanga annek tuidawn hamsate huhna i hawmkhiat antang ip 500 valta a, Sathau tawi 60 leh Besan tawi 49 phata in innkuan 1200 val kiban zota hi.

Khitui Gospel tawh khut kilen khawm a, Covid dongtuak huhna a pia mimal kim Topa in thupha azah tampi tawh hong dimkik ta hen, Amen. From the Desk of Tears Gospel Ministries

Oxygen i kawmte i piakkik ciangin

Khitui Gospel pan, “Oxygen hong kawmte, free in kikawmsak a, i piakkik takciang abung dimsa tawh piakik ciat ding,” cih ahi hi. Oxygen Concentrator-te zong Free a kikawmsak mah ahi hi.

I kisap laitak in Oxygen concentrator or Oxygen bung gol khat a dim dikpah lian ding i ngah i nuam mahmah mah bangin a dim mah in piakikzo lehang ei nung a kisamte i huhna zong suakpah ding a, eimah bangin mite zong na nuam mahmah ding uh ahi hi.

Ahizongin adimkik zo hetlote a bung ahawm mah in kisang kik ahi hi. Himun ah i kiphawksak nop thu in;

A thunman ding ci-a Ks. 17000 kipiak vauvau pen kullo hi. Khitui Gospel pan a mawkna in hong kikawm hi khinzo hi. Adim a piakkik ding nang vaipuak hi in Khitui Gospel in zong ks. 17000 tawh dipkik zawhna ding omvat tuanlo hi.

More: Covid a thuakte Kosiatna (Victim Blaming) hih ken! ~ Cing Van Kim

Oxygen concentrator zong free mah in kikawm hi-a, i piakkik ciangin, limtak in hahsiang sitset in, Oxygen dikna paih zong athak nih mah guankik thei lenga, hoihtak mah packing kik sitset in siangtho tak kipia hileng lunggulh huai hi. Tualo, Na sepna panpihna, kihelna or lungdamkohna ci-a citpiak a na piak aihkei buang leh adang bangmah kullo hi. Sia Pauno