Malaysia, Kelantan State sungah naungke asuakcil akipai khat zanni zingsanglam in kimu cih Bernama pan kiza hi. Tua naungek asuakcil pen numeino hi a, alaigul zong ki tankhia nailo in vanpuakna Suitcase sungkhat ah aki nusia cihi.
Pasir Pekan, Tamna Seri Kota geinai aom vanzuakna saikhat ii amai ah Suitcase khat ki nusia cihi. Tuamun pen Pasir Pekan 1Malaysia Clinic tawh kinai mahmah a, zanni zingsang 8am pawlin Health Inspector khatin Suitcase kinusia amuh ciangin ahonleh asungah naungek khat na ommawk hi.
Tumpat district police chief Supt Zaharudin Rasip ii genna ah amukhia Health Inspector pen tua geinai ah aom cihi. Zingsang nasemding in akuanding, aki thawithawi laitak naupangkap awging khat zakha ahih manin apaikhiat, a etkhiat ciangin Suitcase khatsung panin akapkap nahimawk hi.
Tua amukhiapa inzong Police Report abawlma in asanggam numei te zaksakmasa cihi.
Related: Malaysia, Temerloh ah naungek suakcil aguaktang in aliamsa in akipai kimu
Tuakhit ciangin tua naungeksen pen 1Malaysia Clinic ah puak uh a, tuapan in Kota Baru aom Raja Perempuan Zainab II (HRPZ II) Hospital ah Transfer sawn uhhi.
Naupang pen cidam mahmah cih kiza hi. Malaysia gamsung ah numei pasal vai biakna tawh aki khauhsak mahmah uhhang in, naungek suakcil akipai cihleh nauphiat cihkhawng kiza zelzel mawk hi. Sawltak #zomidaily
Comment piaknop aomleh...