Kei ngaihsutdan Mawkpuak leh Vaipuak ~ Lengtong Pauno

Kei ngaihsutdan Mawkpuak leh Vaipuak

Zomi akuama peuh, “Mawhpuak” leh “Vaipuak” cih tawh kisai kei’ ngaihsutna tawm hong gennuam pong ing. Kawlpau a “tavuan (tawon)” a kici pen sepding,seploh phamawh, isep kei leh mawhna cih zah dong ai’hman in Tavuan icih pen Mawhpuak mah hi (hi limlim hi) aci hi ing. Gentehna: Eden huan leh asunga om na khempeuh (nuntakna anei singkung lopa tui/lei ganhing) a uk, akeem, acing ding in Pasian in Adam tavuan pia hi.

Evua in akikham singgah hong neekkhak na pen, Adam tavuan zawhlohna ahih manin amawh Evua hi napi, amawh pua Adam ahi hi. Tua ai’hman in Adam tavuan = Adam mawhpuak cihna hi.

Vaipuak cih pen tavuan cihna tawh kibang dektak phial mahmah napi’n….., na hilo deuh se hi. Tomgen pak leeng, Vai icih ciangin mimal hi nawnlo in mipi(tampi)cihna hita hi. Kipawl na, pawlpi, khua, gam vai hita hi.

Gentehna:US te’ki vaipuak dan(President),India te’ki vaipuak dan (Prime Minister), ZRO/ZRA, ZYA, Malaysia ZAM/ZSM te’ki vaipuak dan etc………! Pawl lutangpi/Huh, Thu vanpi/Huh, Sumkeem/Huh, Sazian sit/Huh….cihte..> Kei’ngaihsut dan(san/lak dan)bek hi ei’, Nanga tawh akituah kei leh Ngaihdam!!!!!! Mun Khai’pa, Lengtong Pauno (Kuala Lumpur, Malaysia)

U Pauno leh Laisim teng:

Hih MAWHPUAK leh VAIPUAK nong pulak khak pen gen huai thu khat hi ci-in na lungdam mahmah ing. Ih Kawlgam sunga om Zomi pawlkhat ten Kawlpau tam zatloh theihtheih ding hanciam sam napin TAVUAN zatna ding munah VAIPUAK peuh kici thei a, mun tam simsim, mipi lakah thugenna ahi zongin ka za ngei hi.

Lamka (Churachandpur) ah khangkhia kahih manin hih kammal tegel a zatna uh ka tel bilbel hi. Nang genna pen a MAAN hi a, nang ngaihsutna bek hilo in mikiim in hih kammal tegel a zatna ding munah i zat theih ding thupi kasakna tawh hong KIPSAK ka hi hi.

Mawhpuakna icih ciang Sepding khat ei hong kisuan ngiat hi a, tua sem kei leeng a vai teng ei khuk ding, a mawh pen ei puak ding cih na hi mah hi. (Responsible)

Vaipuak icih ciangin gentehna in Constitutions of India (India-te Kivaipuakzia) Kumpi gamkhat, Organization khat (a group of people) mipi kipawlna a kizang hi a, mikhat bek kivaipuakzia cihbang om theilo hi.

U Lengtong Pauno pen Zomite Mipil (Philosopher) khat a ka koih hi. A thugente na ngaingai le u cin mawk gen hetlo in ngaihsut kikkik ding, thuthuk pipi hong gen ding hi. Ciamnuih gen siam hi, mi nuih na ding gen thei mi zo mahmah ahih manin Mipil hi. ZOKAM hoih nono hong zang lai ding hi. Pil ahih manin a la phuahte zong a mal mahmah hoih ngaungau in hici zawdeuh leh cih ding mahmah omlo hi. Kammal hau mahmah hi.

Khatvei Yangon ah Biakinn khatah ka kikhawm uh a, Nupi pawlkhat in Lapawl hong sa uh hi. A lasak uh taang 5 pha a, tang 1 khit ta ciang a sakkik hong sa lai uh hi. Taang 3 khit teh music solo pai lai a, taang 5 sakkik khit teh Sakkik lakik (Chorus repeat) lai uh hi.

Tua ciangin U Pauno in hong huau phei a “Stephen, hih nupite lasak Nem tak ei, la nem pawl hi” hong ci a, ka nuikhia dektak hi. Cikha kasa lua a, ka gen ding dang ka thei zo kei hi. Hong phawk ing ei U Pauno, na lakhum hong man mengmeng ou zanuam mahmah ta hang ei! Hong it, Stephen Mang (Yangon)