Kawlgam Tan 10 laivuanna ah sangnaupang mi 52,000 takin laivuanding pelh

Kawlgam Tan 10 laivuanna ah sangnaupang mi 52,000 takin laivuanding pelh

Kawlgam sungah Tan 10 laivuan (Matriculation Exams) pen 08 March 2017 ni akipan ahun ngekngekta uh ahihi. Tan 10 laivuanna ah akihelding in minpiasa sangnaupang mi 52,000 te lai vuanlokik uh cih Department of Myanmar Board of Examinations te’n genkhia cih MMTimes pan kizasawn hi.

Tan 10 laivuanding in minpia, Register abawl sangnaupang akigawm pen mi 767,422 hi a, Matriculation Exams pen March 08 nipan in March 17 nidongding ahihi.

Myanmar Board of Examinations Department panin thuneite genkhiatna ah laivuanding in min piasa himahleh avuanlokik sangnaupang te lakah ahang tampi omkhading a, bang cihpen ki genkhiathei lianlo hi ci’n genkhia uhhi.

Laihuanding apelhte lakah Yangon Region panin atampenpen hi a, tuakhit ciangin Ayeyarwady Region, Mandalay Region cihbang ahihi.

Matriculation Exams pen Kawllai tawh akipan masaden hi a, amasa penpen ni in sangnaupang mi 51,206 in laihuanding pelhpah uhhi. Ani nihna pen English Paper hi a, tuani inzong sangnaupang mi 1137 in pelhleuleu uhhi.

Ani thumna pen Math Paper hi a, tuani ciangin sangnaupang mi 558 in pelhleuleu uhhi.

Nungkum 2015 – 2016 Academic Year hunlai inzong Matriculation Exams atuding, laivuanding in Register abawl sangnaupang pen akigawm in 671,574 ahihi. Ahi zongin tualak panin sangnaupang mi 636,237 bek laivuanna nei uh cih kiza hi.

More: Myanmar, Shan State, Laukkai khuasung kikapna hangin mi 30 val si

Ih sanggam, ihta ihnau te Tan 10 laivuan aomhiam? Nithum Subject 3 neilai uhhi. Kampi bektawh ahi zongin Moral Support piazoleng atha lawptuam khading uhhi. ZD Sawltak #zomidaily