Kawlgam sungah H1N1 Flu kici natna angah mi 13 bang omkhin, mi 1 zong si

Kawlgam sungah H1N1 Flu kici natna angah mi 13 bang omkhin, mi 1 zong si

Kawlgam sungah H1N1 Flu Outbreak om kici a, Yangon leh Chinstate’s Matupi Township sungah akigawm in H1N1 Influenza akilawhkhin mi 13 bang omhi ci’n Ministry of Health and Sports te’n genkhia uhhi.

Chin State sungah July kha akipatlampawl akipan H1N1 Flu natna angah mi 10 kimukhia in, tualak ah mi 1 in sihlawhkhin cih Irrawaddy pan kiza hi. Yangon General Hospital sung aom ICU (Intensive Care Unit) ahzong H1N1 Flu natna angah cinagim mahmah zatolum mi 2 om kici hi.

New Yangon Hospital ahzong H1N1 Flu natna angahkha cina khatmah kikem hi ci’n Deputy Director-general of the Public Health Department Dr. Than Htun Aung in genkhia hi.

Hihpen Swine Flue zong hilo a, Avian Flu zong hilo hi. Khuahunzui in apiangthei, mihing te acina sakthei akhauh mahmah “strong seasonal flu” namkhat hi. Flu lungno pen khauhmahmah in, ahi zongin ki dalkholhna leh aki theibaihleh aki bawlbaihleh damkik theisamding hi. Adiakdiak in naupangno leh uhamkhin piteek puteek te’n thuaklah diakding uhhi ci’n Dr. Than Htun Aung in Naypyidaw ah genkhia hi.

Hih natna lungno vai tawh kisai in tulaitak leh mailam hunsaupi (short-term and long-term) ah bangci bangin kidaltheih nading vaihawmding hiam cihpen Health minister Dr. Myint Htwe leh adang Ministry Officials te Monday zingsanglam in ki muhkhopna neikhawm uh cihzong kiza hi.

Related: A theihhuai Nattun natna (Influenza, Flu, Tot-kuae) ~ Dr. Thangboi

Adiakdiak in hihvai tawh kisai zato te’n bangci sepding, mipi te bangci kidalkholhding cihte mipi theihsak nadingin State Media tepan ki khahkhiading hi ci’n Meeting sungah akihelkha Health Officer khatin genkhia hi. Sawltak #zomidaily