Kawlgam khuahun kikhel zatzat

Kawlgam khuahun kikhel zatzat

Kawlte zong … “minam khat i tungtuancipna, ukcipna cihbang hithei nawnlo hi… tuhun khuahun hi nawnlo hi… federal mantak tawh mikhempeuh thuneihna kikim hun hi”.. ci’n ki thuhilh kankan ta sam uh e…

Kawlgam a majority Kawl mipi leh ukna panmun a lencip galkap leh ulian lam zong ong kithuzawh ding uh lam-en hang.

Nidang ( 2015 ) a “Gamsung daihna leh nopna, khantohna i deih taktak leh Kawlte’ ukcipnop denkeeina lungsim ong suahkhia masa un”… ci a “Demo Payit group” ah ka at leh adminte’n ong remove hiven…😆

Khuahun ong hoih deuhdeuh ta sam ding lam-et gimnam zawdeuh ei. Lungdam huai.

Zomite khuahun kikhel ah mite tawh kal kikim a suanzo ding in i ready nai hia?

Zomi Pharaohte aw, na Joseph uh khahkhia in ama’ munding ah koihta le uhteh a kilamdang tampi om khading hi.

Bangsem? Bangci sep?

Nang’ angsung leh mimal vai nasem nahih leh kuamah konlawh leh nawngkaisak lo in nangguak in sem in.

Innkuan ading nasem nahih leh na innkuanpihte theisak inla, a kisam bang in semkhawm in.

Veng ading nasem nahih leh naveng napaam tawh ma pangkhawm in semkhawm in.

Beh le phung ading a nasem nahih leh na beh na phung tawh pangkhawm in semkhawm in.

Pawlpi ading nasem nahih leh pawlpi tawh pangkhawm, semkhawm in.

Khua le tui ading nasem nahih leh khua le tui tawh pangkhawm, semkhawm in.

Gam le Nam ading nasem nahih leh na mipih mipi khempeuh huai in, amau tawh a kisam bang in pangkhawm semkhawm in.

Pasian’ nasem nahih leh Pasian tawh semkhawm inla, Pasian’ mite tawh ma pangkhawm in.

Nang angsung ding in midang konlawh kenla, na innkuan ading in khuazang bup mapanpih ding in lam-en kha ken.

Khua ading nasem peuh na beh naphung bek tawh pang kenla, Gam ading nasem a kinei in teltuam khutkuak khat bek peuh tawh sem kei in.

Na nasep bang hi a, bang ding a sem cih natel leh na ma pahpih ding zong theihsawm in. Bang sem a, bangci sep nahiam? Pau Khat Suan