Teeltui Vontawite hamciamna tawh Kapteel to Lennupa motor lampi kizik

Teeltui Vontawite hamciamna tawh Kapteel to Lennupa motor lampi kizik

Lampi zon na pen 7 January 2019 in Kapteel Hausalui Pu Neng Khan Pau leh Hausa Upa in makaih hi. Kumpi thu nei te tung pan in phalna kila a, 25 March 2019 Lamzik kipan in, 5 April 2019 in lamzik kizo thei hi.

Hih lamzik na tawh ki sai in Hauman Company in lungkim huai tak hong sep sak aa, Lampi a sauna tai 4 Lampi a zaina 13′-15′ zai hi.

Kapteel pan Len Nupa pen Tai 5 pha in Tai 4 motor tawh nuam tak ki pai thei ta aa, Tai 1 pen khe tawh ki pai lai ding hi.(Tamsung singlak Motor kilut saklo hi, Singkung lopa tam kisia lua kha ding lung hih mawh na tawh a phual dong motor ki tung sak lo a hi ci in khua makai te in gen khia uh hi.khe tawh pai thei na ding in pi 4 zai in lennupa dong nuam tak ki pai thei ta hi.

Hih lennupa leh kaptel motor lampi toh na tawh ki sai im Sum leh pai beiteng khempeuh Gamdang a om teltuivon teng in sik uh aa,tha leh ngal tawh khuasung mipi in haciam tak in mapan khop na uh tawh hih bg in hong piang khia a hihi.

Motor lampi bawlna/ngimna a hih leh,Mun tuam gam tuam aom Zomi pihte Len Nupa hoihna munuam in pai nuam himah leh lampi haksa,khe tawh tun ding baih lo a hih man in kipai zolo hi. Mikim in ahoihna en in Len Nupa aa tuisiang dawn in, Huihsiang va dik leng cih lunggulh na leh,Tam zang ah mun le gam hoih tampi tak om ahih man in lokho mite leh gan khawite ading in a zatnuam leh atang zai theithei ding ngimna ahihi.

More: Lennupa Buaina Leh 2008 Thukhunpi ~ Bob Tuangpi

Zomi u leh nau lia leh tang nungak tangval te aw i Zogam a om Lennupa ah hong hawh dih un! et lawm mh2 leh lungnop huai mh2 hi..a hi zong kong thum nop uh leh kong nget nop khat uh pen lennupa pai mimal kim in singkung lopa te it in,niin te i mawk paih loh ding cih thu kong ngen nuam uh hi.. lung dam Thupuak:: Teltuivontawi