Kammal kilawm pawlkhat (azom 17 Nov 15)

Kammal kilawm pawlkhat (azom 17 Nov 15)

Na nuntakna in khantohna lam manawh hen na cih leh, tu laitak a na buaipihpih thute in phattuamna hong pia takpi mah hiam cih na ngaihsunkik zel in!

Mikhat a mel hoih maw, hoih lo cih na theih hangin, a lungsim a gamtatziate hoih maw, hoih lo cih tello na hih manin, mel hoih khempeuh ngai pah kei in la, mel sia khempeuh zong nawlkhiin pah sam kei in!

Mailam hun saupi ading i ngaihsut loh manin i kiliansak thei hi. Mai lam hun saupi ading ngaihsun thei taktak leeng, kiliatsak ngam huai hetlo hi.

A tam theithei ngah nading ci-in, lampi maan lo tawh sum leh paii zong se kei ni. Eite biak Pasian pen hong vaak zolo dingin zawngkhal hetlo a, lampi maan i tot manin ki genthei den tuan lo ding hi.

A lamdang khempeuh lakah a lamdangpen in, Pasian in eite hong itna hi.

Khazih sungah,
David Tuang