Kalaymyo Zomite lungdamna ~ Sia Do Khup

Kalaymyo Zomite lungdamna ~ Sia Do Khup

Kawlgam ah a kithei mahmah Pastor Sangpi vaihawm siamna tawh Hallelujah Worship Center Yangon panin oxygen 40L bung 120 hong tung pen nai khat sungin kila bei pah a, a nunung ten ngah zo nawn lo hi. Dangtak laitak a tuidawn a lim diak bangin kisap laitak a hong tung huihbungte manpha diak se hi.

Ka pu Sangpi pianna Pa, Pu Thang (Rev. Cin Khan Thang) tawh zong mipi adingin na ka sem khawm ngei uh hi. Kalaymyo ah mikang Pasian mizat minthangte hong pai ciangin Kawlpau leh ei pau tawh kamphen khawm ziauziau hi. Kei a tanu pawlin pang zel kahih manin kamphen ding mi nih cial kul nawnlo hi. Tulaitak Zomite dongtuah laitakin Pu Sangpi tawh mapang khawm thei kik kahih manun angtang lungdam mahmah ing.

Mask bel hong kim zo nawn kei, “Penglam sa puak” a cih bangin lampi ah hong baang toto dan hi. Hallelujah Worship Center Yangon pawlpi mi khempeuh tung leh a vaihawm Pu Sangpi (lasiam) tungah lungdamna lianpi i ko hi. Topa in pawlpi phungvuh semsem ta hen.

TUNI PHUNOM KHUA DELH TO

Zan ni a pai ding hi napi zatui deih zah a kingah zawh loh manin tuni in kipai zo pan hi. Nurse nu pen naungek nei himawk ahih manin kinileh zawh hamtang kul hi.

I budget kicilbawl mahmah a, a kul lopi ah a mawk bei loh nadingin cina sazian kikhak sak masain tua zui-in zatui kibawl hi. I Zogam khua tampi hong kibehlap toto ahih manin i sep ding hong tam semsem a, natna zong laang semsem ahih manin nasem ding tawm semsem hi. Ei mi Siavuan/Siamate zato lum oxygen diik om ta hi.

More: Kalaymyo COVID-19 omzia

Hong pia khia u leh nau lawm leh gual tate khempeuh tungah lungdamna lianpi kong ko hi. Topa in nasepna khempeuh uh ah lawhcinna lianpipi hong ngahsak ciat ta hen. Sia Do Khup