Kalaymyo COVID-19 omzia

Kalaymyo COVID-19 omzia

Kalaymyo ah COVID-19 vai tawh kisai kipawlna tuamtuam kigam tang ngeingai in nopci mahmah hi. Ahih hang Kalaymyo pan natna ngah Zomi khat hong kimuh khiat ni a kipan kipawlna honkhat hong lau in hong semzom nawnlo uh hi. A diakdiak in namdang kipawlna teng bang a khawl mang hiphial hi.

Hibang hun kawmkal panin ZYA in thathak sanin Zomi sung a mapang nasemte tawh kipawl khawmin Zomi COVID-19 Response Committee (ZCRC) ci in kiding khia a Topa thukimpihna le Zomipih khempeuh mapan khopna tawh kal 2 sung in nalian tampi mah kisemkhia, kigelkhia zo hi.

Adiakdiak in Kalaymyo a natna kimu pen Zomite ihih manin namdangte neu etna kisim thuak khinkhian kha ding ahih manin khat veivei puak hak kisa kha thei ding hi.
Kalaymyo a om Zomite aw lungkiakei ni, lungsim tha nemsak kei ni Topa theihloh a piang hilo ahih manin Topa hoihna nikhat ni teitei teh i pulakna hong hizaw ding hi.

Kalaymyo a om Pawlpi ciat in hih COVID-19 pen hong ven hunding kithei zo nailo ahih manin Thungetna ban ah pawlpi mite ading kiginkholhna cihte i neih tek nading zong kithei saknuam hihang.

Haksatna, dongtuahna tuamtuam i tuah khakle ZCRC in ahi thei bangbang in hong kihuh ding hi. Tu laitak ZCRC in ZYA zumpi mah bulphuh in pan kila a 7:30 AM pan 4:30 PM sung committeete ki tu den hi cih zong kitheisak nuam hihang. Topa’n Zomite hih COVID-19 natna pan hong suakta sak kim ciat tahen. Zomi COVID-19 Response Committee April 24, 2020

Zomi USA omteng pankhopna tawh ZNTV in tanu semin COVID-19 hanga cimawh dongtuakte huhna sum kidong lakpan khak masak teng tuni in Ks. 10,042,100/- ZCRC ah tung hong tungta hi. Kizek khia pah in

• 1. COVID-19 Emergency Committee Tedim CSO tung Ks. 4,500,000/-
• 2. New Stap (Pi Kam Khan Dim) tung Ks. 500,000/-
• 3. ZYA Tonzang (COVID-19 Tanute) tung Ks. 500,000/-
• 4. ZYA Cikha (COVID-19 Tanute) tung Ks. 300,000/- cihbang in aphualphual ah kipuak sawn pah hi.

Apiakhia mimal, kipawlna le pawlpite khempeuh Topa’n azah tampi tawh nana thuh sakkik tahen. Hong buaipih ZNTV tanute zong Topa’n lawhcinna nana piaksak toto lai tahen. Kam Suan Mung (Finance & Fundraising Coordinator, Zomi COVID-19 Response Committee)

Zomi COVID-19 Response Committee (ZCRC) tawh kizom in.

1. Cimawh haksatna thu telloh dotnopna naneih le “Call Center” nana hopih in. Call Center No. 0944448260

2. Thuging, thu kizaugente thuman takpi mah ahidiam ci na dotnop le “Trust Information Team” nana hopih in.

• Pa Lian Khan Tuang (Coordinator)
• Phone : 09400511757
• Pa Deric Kam Za Al – Phone : 09253728673
• Pa Kam Khan Sing – Phone : 09952446770

3. Lungsim thanem, lungkham mangbang in a omte thapiak ding akisam a omle “Psycho Social Support Team” nana hopih in.

• Sia Kham Sian Pau (Coordinator)
• Phone : 09770259021
• Rev Langh Suan Thawn – Phone : 09259194255
• Rev Kham Do Dal – Phone : 09258360465

4. Nekledawm kisapna hong van pihding kisapna a omle “Food Supply & Logistic Team” nana hopih in.

• Pa Thang Khan Tuang (Coordinator)
• Phone : 09400309471
• Pa En Khan Go – Phone : 09400307957
• Pa Zam Thuam – Phone : 09400307982
• Tg Lian Suan Piang – Phone : 09259185056

5. Huhna panpihna thatang tawh sepding/bawlding kisapna a omle “Volunteer Team” nana hopih in.

• Pau Kim Tuang (Coordinator)
• Phone : 09404808426
• Tg Thang Sian Van – Phone : 092571914834
  Lia Khawm Lun – Phone : 09442757695

6. Neihsa / lamsa, sumlepai tawh panpih nuam i omle “Finance & Fundraising Team” nana hopih in.

• Pa Kam Suan Mung (Coordinator)
• Phone : 09400311770
• Pa Vungh Za Khup – Phone : 09400307712
• Pa Khan Za Nang – Phone : 09259175730

From, Zomi COVID-19 Response Committee (April 24, 2020)

Zomi sungah COVID-19 natna ngah khakpen mawhna hi zenzen lo hi. Gamtat siatman, ginat lohman hi peuhmahlo hi. Kimawhsak, kimin siatsak ding hi hetlo hi. Leitungbup in zong a buaipih thu hi in natna ngahte maizum nading om peuhmah lo hi. Zomi na it a, zomite damna ding na deih taktak le natna neite in na hawh, na vakna, na kizoppihte thuneite tung siangtak in genzawk ding hi.

Etcik thuakte zong bangmah lungneu ding hilo hi. Na mipihte ading na kipiakkhiatna lianpen hizaw hi.
A lauh huai penpen in etcik thuakte le natna neite sang in a pualam a om nanglekei hizaw hi. Natna lungno pen kimuzolo kilang paklo ahih manin apua lam a om nanglekei in mipihte tung natna hawm kawikawi ihih zawkkhak ding kidawm mahmah ni.

COVID-19 natna hang a kisapna munmun ah tanu semding volunteer ding a, akipia khiate nong huhna nong khualna un Zomipih dang khempeuh in vaikin mahmah a om kei buangle innsung ah omna tawh ma hong panpih zaw un.

Hih a kipiakhia tanu te ading, nuntak haksa cimawh daipamte ading le lockdown mun a om mipihte ading panpih zawhna naneih uh le Zomi COVID-19 Response Committee (ZCRC) tung panpihna kipia thei hi.

Athupi penpen in inn ah omding mah ahi hi. Kam Suan Mung (09400311770, Finance & Fundraising Coordinator, Zomi COVID-19 Response Committee, April 23, 2020)