Ka mangngilh loh ding ka pa kammalte (1)

June kha in America gamah ah sang a kikhak hangin, kawlgam ah sang kihong kik hi. June kha sungin pate ni ki bawl a,June kha hong tunsim in ka phawk ka pa kammal,

Ka neulai in sangkah nuamlo in ka om ciangin ka pa in,”Na pu in hong nusia baihlua ahihmanin na pi leh na pano bek tawh ka om uh hi.Ka lawm ka gualte uh sangkah uh a, ko unau sang ka kah zokei uh hi.

Kum kua ka phakzawh ni khat ka lawmte tawh sabengte zui dingin ka pai uh a,khuanawl mualsuang gei ah ka kingak uh hi.Ka lawmte in mualsuang tunga lai ki gelhte hong sim uh a,ken ka simtheikei hi.Ka maizum lua ahihmanin ka gamlak vakding zong ka lungsim ah omnawnlo hi.

Sangkah ding bekbek ka lungsim sungah om a, inn ka tun ciangin na pi kiangah,”Nu .. kei sangkah nuam ing,”ka ci hi. Na pi-in,”Bawi en bangmah neilo hi ve hang nang bangci sangkah ding,” hong ci hi.A hizongin sangkah nuamlua ka hih manin nisim in na pi kiangah sangkah ding ka kunkun hi.Bangmah neilo pi mah in na pi-in sang hong kahsak a ka nuam mahmah hi.

Ka sangkah cilin puan gina neilo,bombi gina neilo,thungkuah gina neilo,kawl lukhu neilo,khedap neilo,laikung laidal ding a ki cing neilo in,ih khua pan Tedim ah sang ka na kah hi. Tun ah nang a tua bang liang ding lah hilo aa……” hong ci hi.

Thomas Khanno