Jenks High School Sang naupang bangkua sungah Theihsakna & Zotna

Jenks High School Sang naupang bangkua sungah Theihsakna & Zotna

JENKS NAMKIM KIPAWLKHOPNA
(JENKS MULTICULTURAL CLUB)

“Minam khat le khat kikal ngeina, zia le tong, kampau kibatlohnate kemcingin tha pia ding”

Ngimna leh Sep masak ding pawlkhat:
– Dr. Cin Do Kham Memorial Scholarship ding sum zongkhawm ding
– Ih ngeina leh zia le tong te gammi kim le pamte tung theisak/musak ding
– Makai leh kipawl khopzia kisintheihna hamphatnate vaihawm sak ding

A zahtak huai Nu le Pa te,
Sang naupangte Jenks Multicultural Club ah hong kihel dingin kong zawn uhhi. Membership fee (kiheltheihna) dingin mi khat ciang $5 ta piakkul hi. Sang Sia makaite leh a kihel Sang naupangte kimuhkhopna ding pen anuai aa kiseh nite ah Sangkah hun sung mahin ki vaihawm ding hi;
9/18/2014, 11/6/2014, 12/11/2014, 2/19/2015, 3/26/2015, 4/29/2015

Hih JMC ah kihel leh kihel loh ding pen Sang naupangte thu hizaw aa, ahi zongin, Sang naupang khat a kisam Club (Kipawlkhopna/Kilawmtatna) khat peuhpeuh ah kihel khalo ta dingin lampi hoih mahmah khat a kihong hipah hi. High School akah khat hidan Club kihelna tuam-tuam aneizote hih gamah thupi sak mahmah uhhi. College/University te-in zong hidan akihel Sang naupangte thupisa leh teel masa hamtang uhhi.

A kicingzaw in athu leh vaite anuai aa Siate tung kikan thei hi;
Wendi Ward (918 299 4415 ext. 2669)
Joan Neal (918 299 4415 ext. 2667)
Courtney Connelly (918 299 4415 ext. 2672)
Kristen Howald (918 299 4415 ext. 2667)
Jane Jesse (918 299 4415 ext. 2667)
Pamella Garvin (918 299 4415 ext. 2523)
Thawng Sian Kham (918 299 4415 ext. 2523 or 918 640 5647)

Jenks Namkim Kipawlkhopna
“Athu leh vai kicingin ka cell phone pan 7:00pm masiah kidong thei. Vaihawmnate a mapi dingin hong seh mah bangun Zomi naupangte-in zong panmun laksawm bek thamlo, vekpi-in kihel ding thupi hi. Scholarship bang pen, Khuakhal (summer) Sang kahnuam/kahkul naupangte zattheih ding ahihi. Naupangte hong kihel sak un.”

Khampi

* Attachment aa pdf file pen, Zomi Jenks High School Sang naupang avekpi phial tung Nu le Pa te a piakding un kihawm khia khin hi. Sun annek hun teng bek aa ka hawm pak ahih mah bangin, pawlkhatin ngah nailo phot hi.