Japan vukkhalmual kicipna hangin sangnaupang 8 si, 6 liam, 3 mangcip

Japan vukkhalmual kicipna hangin sangnaupang 8 si, 6 liam, 3 mangcip

Japan gamsung aom Ski Resort khatah vukkhalmual kicim “Avalanche Struck” om ahih manin sangnaupang honkhat si in honkhatmah ki muzo nailo cih CCN pan kiza hi.

Hih tuahsiatna apianna munpen Tokyo City panin Kilometer 200 khawng agamlatna aom Tochigi Prefecture huamsung Mount Nasu kicih ah ahihi. Local Fire Department te genkhiatna ah sangnaupang 8 in sihlawh uh cihi.

Hih Ski Resort ah Japanese School Children leh Teachers akigawm in mi 50 khawng ahawhin apai uh hi a, Monday ni zingsanglam in atuahsia uh ahihi.

Tuasiatna ah akihel Sangsia khat ii genkhiatna ah adang sangnaupang 6 zong liam uh cihi. Fire Department Spokesman khat ii genkhiatna ah hih tuikhalmual kicipna panin Students leh Teachers akigawm in mi 32 ki honkhia thei ci in denkhia uhhi.

Japan’s Kyodo News Agency te genna ah sangnaupang mi 3 zong mangcip uh cihi.

Hih sangnaupang tepen tuikhalmual omna ah Ski Lessons akahin akuan uh ahihi.

Mainichi News te genna ah hih Ski Lesson ah akihel sangnaupang tepen High Schools tuamtuam pan hi uh a, Saturday ni in Ski Lesson kipan in Monday ni sunlam in aman siangding in geelna aom cihi. Ahi zongin Monday ni zingsanglam in atuahsia uh ahihi.

More: Japan ah mi 9 atuang Helicopter khat kia in, 3 asisa in kimu, 6 kimuzo nailo

Japanese Officials te’n adang asi leh aliam aomlai hiam cih kancianlai uh cih kiza hi. ZD Sawltak #zomidaily