Japan te’n Kawlgam ah mawtaw amawkpiak uh dinkhawl photding

Japan te’n Kawlgam ah mawtaw amawkpiak uh dinkhawl photding

Abeisa hunkhatlai in Japan “Nippon Foundation” panin Kawlgam ading huhna in mawtaw 100 val pia uh a, tuate pen zatlohin Rangoon Ear, Nose and Throat Hospital ah kikoihcip cih nungdiak in Social Media ah hong minthang mahmah hi. Tuabang in zatloh in akikoihcip atheih uhciangin Nippon Foundation te’nzong mailam ah huhna Donations piakding ageelteng uh dinkhawlsak photding ci’n Nippon Foundation pan Takehiro Umemura in Irrawaddy te kiangah genkhia hi.

Tua mawtaw tepen Kawlgam muntuamtuam aom zato te ah zatding in Nippon Foundation te’n apiakkhiat uh himahleh tudong zatloh in kikoihcip in, kekseugawp liangta hi.

Takehiro Umemura in agenna ah Nippon Foundation panin Kawlgam sungah zatding in hibang in mawtaw kapiazel uh cihi. Mawtaw apiakte uhpen athak sitset ahihzenzen lohhang in akizangthei ahoihlai vive apiak uh hi a, 2012 kum akipan Kawlgam sung aom zato te ah Ambulance in zatding in apiak uh ahihi.

Tuaban ah Nippon Foundation temah in hih mawtaw te apuahkikna leh Ambulance in zattheih nading phalna ngetna asumbeite akipan apiaksak uh hilailai a, Ministry of Health and Sports te tungtawn in huhna apiakkhia zelzel uh ahihi.

Nippon Foundation pan thunei te genkhiatna ah 2012 kum akipan Kawlgam zato ah zatding in Ministry of Health and Sports te tungah apiakkhiat uh mawtaw pen akigawm in 249 phakhinta cihi.

More: China in gamdang galphual kibawlbeh loding hi ci

Nippon Foundation te’n mawtaw amawkna pia, Kawlgam ah puak, apuahnading sumbei tezong piaksak cihi. Ahi zongin Kawlgam Ministry of Health te’n hih mawtaw te Kawlgam sungah zangding hileh sum tampi beiding ahih manin, tua sum beingamlo cimawk hi.

A piakhia te adingin alawp huai hetloding himawk mahhi. ZD Sawltak #zomidaily