iPhone X bekbek akigawm in 25 tawh nungak khat Propose bawl

iPhone X bekbek akigawm in 25 tawh nungak khat Propose bawl

iPhone X pen atammat mahmahlam ihtheihciat ahihi. iPhone X (64GB) tepen $1200 bang mansak uh a, iPhone X (256GB) tepen $1400 bang ki mansak hi. China gamsung ah pasal tangval khatin nungak khat ngai in, kiteending zuthawl piakna, “Propose” ngetna in iPhone X bekbek akigawm in 25 tak tawh Propose bawl cih Yahoo News pan kiza hi.

Tua pasal tangvalpa minpen Chen Ming kici a, amahpen China, Shenzen City sung aom Video Game Designer khat ahihi.

Chinese Social Media minthang leh akizang mahmahkhat ahi Weibo tungtawn in akizakna ah tua tangval pa’n iPhone X athak sitset akigawm in 25 tak lei in, tuateng pen lungtanglim “Heart Shape” bangdan in gualdiudeu hi.

Anuai ahzong lingpak “Rose petals” vive phahzihziah in, alaizang santak ah Propose abawl nading zungbulh “Engagement Ring” koihin, Romantic sak mahmah hi.

A lawmngaih nungaknu minpen Ms Lee cihbek in kigelh a, Lee pen Mobile Video Games a ukmahmah khat ahihi. Mr. Chen Ming in Video Games khat abawlna panin Ms. Lee tawh aki theikha uh ahihi.

Mr. Chen Ming in banghang in iPhone X bekbek 25 tawh Propose bawlcitciat hiam cihleh alawm ngaihnu “Girlfriend” pen kum 25 phakhinta ahih manin, akum phazahtawh akituak dingin iPhone X bekbek 25 tawh Propose abawl cihi.

Hih Propose abawlna, avaihawmna khempeuh ah Mr. Chen Ming ii alawm te’n nakpitak in panpih uh a, Propose abawl laitakzong alawmte’n hoihtak in Photo abanban in zaihsak ciatciat uhhi. Nungaknu Ms. Lee inzong alawmpa Propose bawlna pen lungkimtak in nasansak bilbel hi.

Media te genkhiatna ah hih Propose kibawlna pen atammanpawl hiding hi, “Expensive Proposal” ci’n ki genkhia a, iPhone X bekbek 25 tak himawk ahih manin, amanzahding akituat ciangin A$41,000 sangin tamzawding kici hi.

Chinese news website ET Today te genkhiatna ah bangbang hileh alawmnu in lungkimtak in nasansak ahih manin, Mr. Chen Ming pen ahampha, akampha hi. Abeisa 2014 kum hunlai inzong tangval khatin iPhone 6s honkhat tawh nungak khat Propose bawl in, ahi zongin tua nungaknu in na sansak zolo in, nialsak cihi. Banghanghiam cihleh a lawmngaihnu in Diamonds deihzaw a, iPhone deihlo cihi.

More: Zolia te theih ding thu pawlkhat ~ NK Khanno

Zolia te aw, tangval te’n zuthawl hongpiak uhciang in zuthawl tektek zatkullo hi. iPhone X khawngzong ki zangtheilel hi ci’n vaikhak unmaw. Tuabangin na vaikhakkei uhleh zuthawlhawm, adawnkhitsa athawlhawm khawng zuthawl hongpia khading uhhi 🙂 Tuabangte bel sanlohding, nialpah bikbekding hile vencin maw… Sawltak #zomidaily