Singapore innsangtung pan Bicycle akhiasuk pasalno kum 13 khat kiman

Singapore innsangtung pan Bicycle akhiasuk pasalno kum 13 khat kiman

Singapore gamsung aom innsangdawn khatpan in pasalno khatin Bicycle (setbing) khat khiasuk a, akhiat laitak zong agei panin mikhat in Video zaihhi. Tua Video Clip pen Social Media tungah kithehzak “Viral” gawpin, Singapore Police te’nzong kankhiapah uhhi.

Singapore Police te’n Friday ni in agenkhiatna ah tua Bicycle akhiasukpa pen kimankhin ci uh a, kum 13 aphakhin pasalno khatin akhiatsuk ahihi.

Singapore gamsung, Whampoa vengsung aom HDB Block innsang simsim khatpan in akhiatsuk himawk a, anuai ah mikhatpeuh aomkhakding lauhuai mahmah hi.

Video: Boy throws ofo bike down from HDB block

Police te genna ah Whampoa, 116B Jalan Tenteram ah nung Thursday ni in inndawn pan Bicycle khat kikhiasuk ci’n Report tampi hongkibawl cihi.

Akhiasukpa zong tuani mahin kimanpah a, Rash Act tawh thu kibawl pahhi. Athu akician in ki kanding cihciang kizaphot a, banghang in akhiatsuk cihpen ki genkhia nailo hi.

More: Singapore gamsung aom leisung atai Truck mawtawpi khat tuahsia

Midang te adingin lauhuai mahmah leh khatpeuh in asihlawhthei himawk ahih manin, hih akhiasukpa pen kha 6 sungbang thong kikhiathei a, sumzong S$2,500 bang ki liausakthei cih kiza hi. Sawltak #zomidaily