India gamsung zatdeuhding Washing Machine ah “Curry Mode” kikoih

India gamsung zatdeuhding Washing Machine ah “Curry Mode” kikoih

Panasonic Company pen Japanese Electronics Firm minthang mahmahkhat ahihi. Hih Panasonic Company te’n puansawpset Washing Machine abawl tuamtuam lakah tunai in India gamsung ah zatdiakding in abawlkhiat khat uh om a, tua Washing Machine tungah “Curry Mode” cihkhat kihelsak citciat uhhi.

Indian Market sungah zuakding in tua Washing Machine pen atuamngiat in abawl uh hi a, tuabang in abawlkhiatzawh nadingin kum 2 bang hunbeilawh uh cihi.

Researchers te’n amuhkhiatna ah India gamsung ah Curry kilimnek mahmah a, India gammi te ii nisim anekdettheih uh annek namkhatzong ahi ci uhhi. “Curry cihpen atung Photo sunga ihmuhdan mehte ahihi) Tua Curry pen puansilh tungah atukkhak ciangin adangdang te sangin sawpkhiat haksazadiak a, aisan tawkmahmah sawnsawn ahih manin sawpsiangding haksa phadiak hi.

Tuabangdan Curry tawh akisawhkha puante sawpnading in Panasonic te’n kumnih sungah hunla in hoihtak a ngaihsutkhit uhciang, Panasonic Washing Machine tungah “Curry Mode” cih hong koihtheita uhhi. Hih Curry Mode pen ahun bangtan kisamding, tui alumna bangzah kisamding cihte hoihtak tuatcianna aneihkhit uhciangin atuamngiat in abawlkhiat uh cih BBC inzong genkhia hi.

India gamsungah mipi khempeuh ii 10% khawngbek in Washing Machine zangpan uh a, adang 90% bangin khutmahtawh puan sawpngekngek lai uh kici hi.

Hih Panasonic te’n abawlkhiattheih India gamsung ah zuakngiatding “Indian Market” in abawl uh puansawpset pen 5000 valbang ki zuakkhiakhin cihi. Tulaitak pen South Korean Brands zong azang tamsimsimkhin ci a, ahi zongin Japanese Brand khat ahi Panasonic te’n mailam ah amau ii Washing Machine te India gamsungah ki deihzawding in lamen uhhi.

More: Panasonic Company te’n Kawlgam ah nasep behlapding

Maikum March khabeima in hih Panasonic Washing Machine te 30,000 bang zuakkhiat zawhding in lametna nei uh, Target nei uh cihi. Hih Washing Machine Model abawlthak te uhpen khatciangin Indian Rupees 30,000 (US$330) bang maneisak uh a, adangdang te sangin 10% bang man tamsakzaw uh cihi. ZD Sawltak #zomidaily