Hun nunungah Pasian mizat te thugenna

Dear a zahtakhuai Zomi pih khempeuh

Damtek hang maw. tuni September 21, 2014 ni-in Tulsa khuapi sunga om Zomi te biakinn mun 2 ah offday la in ka va kikhawm kha a hibang hunthupi ka zatkhak manin hampha kisa leh ka angtang mahmah hi. kikhopna masa pen FGA Tulsa Zomi Program hi-in hih hunsungah hihna khempeuh Pasian khasiangtho in ompih leh nasem ngiat hi cih ka tel mahmah hi. a diak in FGA pan in Pasian mizat a sila pa Sia Thangpi in hun nununga ong piang ding thu te leh tulai Zomi te dinmun a ma muhna leh laisiangtho genkholhna te maitang zahtak tuam om hetlo in thumanpha tampi onggen hi. tua sungah tulai leitung hun sia mahmah ta a hihmanin mimal kim, innkuan kim ah a nungta Pasian khasiangtho tawh i kidim kei leh a lauhuaizia hangsan takin onggen khia ziahziah in mipi in tha kingah leh a zakha mipi khempeuh in ki phattuampih mahmah dingin ka lamen hi. Zomi sungah hibanga Pasian thu man hangsan taka a taangko ngam Pasian nasem tampi i kisap lam ongphawkthak sak hi. hun nangah masak ciangin hih a nuai a FGA Website ah na lut inla tuni thugenna te limtak nangai in. kilamthakna nangah hamtang ding hi.

Welcome!!!

FGA Zomi program hun manciangin ZBCM of Tulsa ah ka va taisuak leuleu uha tua tengah zong Topa khasiangtho in nakpi in nasem in praise & Worship nuamtak a kizawh khitciangin kawlgam pana ongzin Rev. Thang Suan Langh Church Pastor ( Bethany Zomi Baptist Church, Kalaymyo ) kiang panin Pasian kiang pana a ngah tulai Zomi te dinmun leh laisiangtho genkholhna te maitang zahtak om hetlo in hangsan takin ong taangko ziahziah in mipi in tha kingah mahmah hi. hibanga itna leh deihsakna takpi tawh thu man thutang a taangko khia i sia te hangin a mau thugen a za a ngaikha mipi khempeuh hampha kisa leh meet ka kisa mahmah uh hi. hun nangahciangin a nuai a ZBCM of Tulsa Website ah na hawh inla tuni date tawh a kikhahkhia pen pello in na et hamtang nadingun deihsakna lianpi tawh kong hanthawn hi. tuni a hibang hunmanpha kazatkhak manin kei tumtakin hampha kisa in ka angtang mahmah hi. Topan’ mimal kim a thupha tawh ong phungvuh tek tahen!

http://macedoniaministrymyanmar.org/live-tv

Deihsakna lianpi tawh

Sawm Lian
Tulsa,OK
September 21, 2014