Hpakant kapai’cil thu ~ Lengtong Pauno

Hpakant kapai’cil thu ~ Lengtong Pauno

Nuntak mainawt nadingin sumbul neih neilopi mahin, zi kanei a Tedim, myoma soldierboard zum khanga kapu Bo Phungte’ innnuai khaannokhat kasap uhi. Nisim neekzon’ nasep nadingin lamkhanglama Tahan Pu DaiCinte’ saikhaankhat, Sia Khenpi tungah ngenin vanzuak ka kipan uhi.

Sumbul tampi neilehang hoihmawhloding hinapi’n, 10% summeet pia kahihmanun, haksa sapian hi ung. Sumbul tul zanih zathum (then 2/3) neih nopna lungsim tawh, Hpakant paiding, (ေခါက္စား) leisai’ puading, sumbul zong ding cih bekbek lungsim ah om ahihmanin, atualtelsa tangval 2.te’ nungzui alian1. in ka kithawikhia hi.

Ka tangval 2.te pen, Sakollam a Khampi acih leh, leilum nailung innkhanga Khual acih tenih ahi hi. Mandalaypan Mitkyina meileeng tuangto, Hopin acihna buta khua ah tuakk. Ka sia tegeelin lamkala neekding antang sathau mehding khempeuh hong lei’pih. Hpakant tung peuhpeuh leeng, bangmah lungkham omlo, hongit mahmah puluite’ kiangah atungding hilel hangh. Isum neihlai tengtawh Sen ansai ah paidingci, pai luai’luaii’h. Asan avom duhteng vaikha, anne, lumh.

Azingteh onfoot start ziahziahta, indawgyi lake (အင္းေတာ္ႀကီးကန္) boatneu (စက္ေလွ) tawh kann’. A gallam ah zangiak. A zing khuavakma datmei de a pai leuleu, zingsang anhuan nading tung nailo,nai 10am pawla kawl galkapte na om uhin porter puadinga hongmanta. Amatsa uhmi 60. ding khawng na omkhin. Apai khempeuh banmatmat uhai’hcianga 12pm satma a 120. phata hi ung. Lawbann mihau tampi zong kihel hi.

Nitak nai 2pm pawlin mi tampi lakpan galkap te’n kei hong samkhia dihdih ua, ka vapai leh, ”No’ mi bangzah pha” hongci, ”Thum pha ung” kacih leh, ”Mi khat Ks 500 ta, mi 3×500=1500/- hongpia unla, pai un, hongci a, ka sum neihlai teng uh ka gawm uh leh, Hopin ah, pheengneekgawp mah hive ungin Ks 900/- bek neilai kahihmanun apiangtheilo hong suakphot hi.

Lawmte kiangah ka paikik uha hong kigualsak uha, mi simna hongnei in, ko’ , 1. pan 10.na kikal ah ka om uh hi. Khuamuita ahihmanin apam a camp (စခန္း) sungah hong lutsak uhi. Mi hong simkik leuleu a, 60. leh 70. kikal ah ka om leuleu uhi. Asuakta baihding nambat 1. pan kisam hileh suaktahak sini e ci in ka dah mahmah hi. Tua laitak in, porter ding mi 20. kisamh ci in, nambat 1. pan 20. ciang khempeuh kipaisak hi. Den a mi hong kisimkik kadah mahmahpen, kasuahtak nading nahizaw gige hi. Hong simkiklo hileh, 1. pan 10. kikal kahi uha, porter ka paiding nitak ahi gige ahi hi.

Zingan nenailo himawk kahihmanun, anhuan theih nading ka vakan leh galkapte lak ah Asho chin khat na om bilbelin, tuapa kiang anhuanin an kanek laitakun porter ding kisam’ leuleu a, sanggam Asho pa’n anneksaan’ uh hi, naci ahih manin ka suakta leuleu uhi.

Annekkhitteh ka lum uha, galkap lule te ai’tam? Alumsate’ lakah porter hong zong khuan’khuan’ om leuleu hi. Ko lawmta3pen alai ah kei alum kahi hi. Ka ziatlama alum Khampi porter pua dingin ki kaikhia hi. Kei hita ding kai’ve maw…kacihpen, kei honghal pongmawk uha, ka veilama Khual kaikhia leuleu uhi. Kei Hpakant pai ngeinalo, ka lampu tenih porter paimawk, keizong kazuihkei leh ka cimawka, ka lawmte geel apaikhiatcianga anung uh ka vazuih leh, galkapkhatin, “မင္း ဘယ္သူေခၚတာလဲ?” (Nang, kua’n hongsam ahia?)ci in hong paangbet dektak mawk.

Video: Zomite thupha hongpia in ~ Phuak/Sa Lengtong Pauno

https://www.youtube.com/watch?v=cY6xG6KFCmE

Porter ding nangawna hongki deihlo ai’ve maw… ci in kaki lehkik a, galkapbu (တပ္ခံြမႉး) pa’ kiangah, ”Kei Hpakant pai ngeinailo, ka lawmtenih porter pai hiven, kei bangci ding?” ka vacih diaiduai leh, bogyi pa’n, “Lung himawhkei in, tua’h, natu hithiat in” hongci ziau hi. Antang taangkhatta puading mi 8. kisamh ci in galkapte’n kei hong kaihsawm leh, Bu pa’n, “Amah sam kei un” ci ahihcianga hong samlo. Tua khitcianga meiset puading khelhnih mi 8. ci leuleu, kei hong kaihsawm leuleu, Bu pa’n, “Amah na omsak un, bangmah nacih kei un” ci leuleu ahihcianga hongki sam nawnlo.

Galkap khempeuh beita, Bo pa’n: ” Nuamtakin na lum hithiat inla, na lawmte zingteh hong tungding hi. Tuzawh nai 2, zingsang nai 2am pawlah, hih camp ah, galkap (စစ္ေၾကာင္း) honkhat honglut ding hi. Hongdot leh, ” Ka lawmte porter pua angak hi’ng ci in” cih hong vaikha a hong paisan vingvengta hi.

Bangzahta a hai kahiam? cih leh, galkapbupa’n, “Na lawmte zingteh hongtung ding hi” acihpen a um,tazen kahi hi. Shan nupi khatin: “Cik a porter pai atun’kikni ding, ki genkhol theihiam? Leitung beidong hongtun’ lohmel ki theilo hi. Hih khualzin mite’ nung zuizui lecin, Hpakant na tungding hi” hongci ahihmanin ka paipai a Hpakant ka tung hi. Ka lawmtenih zong kalkhat khitteh hong tung uhi.

Topa Pasian hongkepdan kong pulakna hi.

Ka lungdam, Munkhai’pa