Hong thadahsak thute, Hong thalawpsak thute

Hong Thadahsak Thute
A kipatcilin lawp mahmah napi, hun khat cingin nasemte thadah thei uh hi. A thadahsak thei thu nam tampi om hi. Tua lakah pawl khatte:

• Akilawm lo pipi-a ko na
• A sialama kona
• Mipi maia simmawhbawlna
• Nasem lopi pahtawina (asemte thadahsak)
• Supna le sup ding lauthawngna
• Mapai napi in, lungkim lohna
• Lamlahna kician omlo
• Ngiimna tawh etkak ngeilo
• Ei le ei kineu-muhna
• A masa ding le a nunung ding khinkhai lo
• A sialam vive-akibulh
• Zum nasepdan
• Simmawhbawlna
• Lungsim kawi
• Cingtaak lo
• Akikhek, akilaih tam lua
• Nasemte a kituak thuneihna in zui lo

Naseemte lungkim le thalawp uh hi. A lungkim thei mahmah lo mi kimkhat om thei hi. Hong thadahsak teng i hepkhiat phot kei leh tha saan thak ding zong haksa hi. A hoih lo teng kihem khia leh hanthot zong kul nawn lo-a, ma a pai pah zingzing zong om hi.

Hong Thalawpsak Thute

Kihanthot tawmtawm kul lo aa thalawpte a kideih masa pen hi. Innteek-pana aa sepna in, sawt kikhom pen hi. Innteek pantheihna ding in a kisam thu pawl khat om leuleu hi.

• Thupisim ding zahtakbawl ding
• Na lawpsep ding
• Mi gen zong ngai ding
• Kungmui tuna ding hanthawn ding
• Hamphatna a kilawm bangin ngahsak ding
• Kisin kihilhna nei ding
• Kamciam nei zeuhzeuh ding
• Huh ding, mi sep tangding sem lo ding

Thukhupna

Mite in nang aa ding a na a sem hi masa loin, amau ngaihsutna khat ciat tawh hong pai in, na hong sem a hihi. Pata nih in bawngno khat a buk ah khum sawm in, sawn sek, kai sek, khum zo mahmah lo uh hi. Tua laitakin numeino khat hongpai in a khut bawngno kam ah hong tat in a liaksak leh, kaih zong kul loin bawngno in zui lengleng aa buk sungah lut hi.

Alet: Khup Sian Khai (kskhaiboih)
by: You can win