Hawaii State sungah innsangpi khat meikanggawp in mi 3 si, 13 liam
USA, Hawaii State sung aom inndawl 36 apha Apartment Complex khat meikanggawp in mi 3 si cih AFP pan kiza hi. Friday ni in Hawaii, Honolulu khuapisung aom innsangmahmah khatah thupiang hi a, aliamzong mi tampi om cihi.
Meikat kipatna pen 26 Floor aom inndei khatpan in akipan hi ci’n Honolulu Star Advertiser te’n genkhia uh a, tua inndei sungah aom nupi khatleh atapa khatzong sipah uh cihi.
Meikuangpen lauhuai mahmah in, agamlapi pekpan inzong meikuang pampam ki galmuh hi. Windows’ Glass tezong kitamkham in, guahzu bangin maanthem kitam kiasuk ziahziah cihi.
Hih meikatpen naikhatval bang sawtin, asi mi 3 banah adangzong mi 13 bang liam cihi. Aliam te lakah meiphelhding in apai Firefighter khatzong kihel in, adang aliam 12 tepen tua Apartment Complex sungah ateengte ahi uhhi.
Aliam Firefighter leh adang mi 3 tepen gimphadiak in zato ah kipuak uhhi.
Video: 3 killed after fire breaks out in Hawaii high-rise with no sprinklers
Tua meikatna innsangpi pen Marco Polo Building kici a, nitaklam 7pm hunpawl ciangin meikuang ki phelhsiangzopan cihi. Ahi zongin akhuanung ahzong meikuang pawlkhat omlai ahih manin, Firefighers te’n buaipihlai uh cih kiza hi.
Hunolulu sung aom Fire Department Units 30 val panin meiphelhding in kidelhpah ngeingai in, Firefighter bekbek akigawm in mi 100 valbang pha uh cihi.
Meikat kipatna pen inndawl 26 pan kici a, tuapan in anuai Floor 25 lawhsuk in, atunglam pen Floor 28 dongah lawhto in kuangziahziah hi.
Emergency Medical Services spokeswoman Shayne Enright in agenkhiatna ah Paramedics te’n acimawh, aliamteng innsung mahah Emergency Treatment bawl uh cihi.
Related: Iran innsang mahmahkhat meikangin kicim, Firefighter mi 30 sikhin
Meikhu vive tawh Apartment sungteng kituamcip in, adiakdiak in kumtamkhin leh Wheelchairs azang piteek puteek te’n meikhu thuaklah mahmah in, naktheilo dekphei in omngeingai uhhi. Sawltak #zomidaily
Comment piaknop aomleh...