GZA thu zaksak na tung ah muhdan a tuamtuam ~ Feedback

Zomi sungah kipawlna tampi ihneih hangin, tua kipawlna te Constructive Feedback apia ngam taktak kitawmlai hi. Hih sanggampa’n GZA tungah amuhna lungsim siangtho takin asunkhiat giap pen thupi mahmah hi. Zomi te khatlehkhat Feedback leh Suggestion ki piaksiam ni.

GZA thu zaksak na tung ah muhdan a tuamtuam.

1. GZA ihcih pen a pian sawt nai lo a,koi mah ah Registration nei nai loh a hih man in,GZA in ZOMI kipawlna tetawh ihkizop ding thupizaw hi. Gamleh minam adingin ihsep ihbawl gentham zong omnailo,mipi lampan biakna sia te’kipawlkhopna khatciang in kiciamteh photlel hi.Kawlgam ah Registration neipen,ZCD,ZYA leh gamdangpan,LZI,ZRA/O, ZIUSA, ZAM,Gamtuamtuam a ZOMI innkuante,USA gamsung ZOMI innkuan (39) te ZIUSA tawh kizom a Registration neizawh uh sawt in,U,N ah member khat in zong ki hel khin a, gamleh mi nam ading inzong ma pang khawm sate vive hi. hihtengtawh GZA a kizop ding thupi ziau hizaw hi. GZA kiang ah Registration hong bawlding cihbang hi zenzen lohi. Zomi te khuahuntawh kizui-in, ki hailua nawn samlo a, gamleh minam ading in asem taktak te bekmah thupi kisa hi.

2. Global Zomi Idol cihpen vaipi a neih liangding in,Zogam,Zomi a ding in nidang laisang in,lasatheizaw,music tumtheizaw hang cih simloh bangmah phattuamna om ahi kei hi, police te’cih dan in ( ma kaih bu) sumtam pi bei a bawl ding in,a khatna te kha khat a nekkhom dingzong a ki pia zoding hilolai,ei apen naupang tengta kineihna bang hibek hi.Tua khawngsang in ihsepding aki tangsam tampi omkhading hi. Bawhlung,Zolia,Zotang,Zomi Idol cih te a ki nei den khin hi a,tu kum bang Tulsa Khuapi USA mah ah ki bawl khin phet a hi a,a dem nuam ten tua hun ah va dem lel leh a hi hi pah lel hi,Biak na sia pawl khat in,ih minam sung tokbuai den a hih man in,hong ki dawm un,A ki semsem ngei sa va dem bawl sese kullo hi, sepding ih theih kei leh lawm te na sep hoih te tha pia ding hi lel hi, lasak na tawh zileh ta vak zo, Zomi te lakah kiom naimello hi, lakhui bawl mah leh huh nget na hi lel a, a la khui deih na sang in,minam itman bek in ki lei sak a,a la ki ngai lo hi,ih khan toh na tawh ki zui in, Youtube khawng ah la hoih ngaih theih ding tam mahmah hi.

3. GZA khawmpi Churachanpur,Lamka India a neih ciang in, ih sanggam Zomi tetawh Tedim,Chin ki cici nawn lo a,ZOMI ki cih ding ki kum ni,a mau zong kawlgam u nau te cih bang hi zaw ding hi a cih sa uh hi,ZOMI cih hongzat theih ding a tung a thu pi nih ih cih te sang in hih thu pi pen ding hi.

Mimal muhna hi,

Kap Zo Dem Thang
[email protected]