Grammy Award banghiam?

Grammy Award banghiam?

Grammy Award pen National Academy of Recording Arts and Sciences, United States te’ bawl ahi hi.A tungin Award piak ding sawm masa khollo uh hi.Kum 1950 in Hollywood tualzaangah, tumging leh la lama mi lawhcingte pahtawina Hollywood Walk of Fame zat ding ngaihsun uh hi.Tualaiah kuate kihel ding hiam cih a ngaihsut khit ciangun Oscars leh Emmys tem ah bangin Awards hawm hileh cih hong geel uh hi.Tua Awrds pen a min ding bang kici leh hoih ding hiam cih ngaihsun kik uh hi.Thomas Edison min tapin Eddie cih hong sawm pian uh hi.Ahizongin a van muhkhiat Gramaphone theih tawntung nang leh amah zahtakna in Gramaphone Awards ci uh hi.Tua pen hun hong pai zel in Grammy Awards kici zaw ta hi.

Amin ding hong phauh khit ciangun Awards zong Gramaphoe lim zat ding thukim uh hi.Geelna khempeuh a man ciangin a takin May 4, 1959 in Grammy Awards Ceremony masa pen kizang hi.Hih hunzatna November 29, 1959 in NBC tungtawnin Television lamah episode dan in ki suaksak hi.Kum 1971 masiah New York leh Los Angeles ah ceremony kizang den hi.Kum 1971 khit ciang mun tuam tuam ah kizang kawi kawi hi.

Hih Awards pen general Field li ah kikhen sawn dim diam hi.Tuate; Album of the Year(Performer & Production team of full album), Record of the Year(Performer & Production team of single Song), Song of the Year(Writer/Composer of the Song) leh Best New Artist ahi hi.Tua banah Award dang pawlkhat Music Genre tawh kizuiin Performance leh production team te kipia hi.Bek tham lo in, video leh artwork lam a siamte zong pia uh hi.Tum ging leh lasak lama na hoih sem pawlkhat zong Special Awards pi alai uh hi.Leitung khantohna tawh kizui in Awards zong kibehlap to zel hi.Kum 2012 takteh Awards tuam tuam 78 om ta hi.Mipi ten thupi a sak zawk deuhte bek Award Ceremony Live Broadcast ah piakhi uh hi.Adangte pre Grammy Party ah pia uh hi.

Record Company leh mimal khatpeuh nomination ahih theih nangin amau khutsuak te National Academy of Recording Arts and Sciences (NARAS) ah va pia ding uh hi.Tua aki pia khawm te tumging leh la lama mi siam experience nei mi 150 kiim ten tehna tuam tuam tawh endik ding uh hi.Tua pan laktak a sak teng bek uh teel in NARAS te kiangah puaksawn ding uh hi.NARAS ten Ballot paper tawh a hoih zaw deuh teel kik uh hi.Tua aki teelkhia mi nga te nominee hi thei pan hi.Tua mi nga lak pan NARAS member tem ah in secrete ballot tawh teelkik uh hi.Tua a teelkhiat te uh kuama theih loh in Deloitte Touche Tohmatsu Accounting Firm ten na ciamteh khiinkhian uh hi.Tua ciaptehna pana vote mu sang pen Academy Awards Ceremony ah pahtawina pia uh hi.Hih voting Round dawlnih ah Academy members te quality based beka vote khia dingin kitheisak hi.Sales, Chart Performance, Personal Friendship leh Company loyalty te kithupisak masa lo hi.Hih hun sungin lungdampihna piak zong kiphal lo hi.Kum 2012 Grammy Award in October 1, 2010 pan September 30,2011 sunga kihawmkhiate bek huam kha hi.

Kibansam lo in kum 54 val bang Awards hawmkhia ta uh hi.Mi tampi takin hih pahtawina sang khin uh hi.Ahizongin mi minthang diak bel pawlkhat om hi.Georg Solti in Grammy Awards 31 sang khin a, tu tadihin Grammy Awrds a ngah mun pen ahi hi.Quincy Jones leh Alison Krauss ten Awards 27 vei tuak sang khin uh hi.Amau tegeel pen a tam sang nihnna kikawp uh hi.Pierre Boulez in 26 vei sang khin in, a thumna ahi hi.

Hih Awards pen miten thupisa in, Television pana en zong mi tam thei mah mah hi.Live Telecast aki suak sak masa pen kum 1971 hi-in American Broadcasting Company(ABC) pan a kisuaksak ahi hi.Kum 1973 ciangin CBS ten Live Telecast a suahsak theih nang phalna NARAS te kiang pan leisawn hi.Tua tak ciangin ABC ten American Music hong phuatkhiat lawh deep uh hi.June 21, 2011 in The Recording Academy ten CBS tawh kum 10 kimang ding Kilemna suaikaai uh hi.Tua ahihmanin CBS ten kum 2021 dong telecast in pekhia thei ding uh hi.February 12, 2012 a Grammy Awards hawmna mi 26.6 million kiim in en uh hi.

Pau Tun Thang