Google te’n Smartphone Company khat ahi HTC leiding

Google te’n Smartphone Company khat ahi HTC leiding

HTC Phone te zong Smartphone lakah aminthang mahmahkhat ahihi. Ahi zongin tulamlam ciangin metmello, Business Struggle luamahmah ahih manin, amau ii sumbawlna Business pawlkhat Google te tungah zuakding cih AFP pan kiza hi.

Google Company tezong Smartphone lamsang ah hongki limpatsawm mahmah uhtawh kibang hi. HTC te ii Smartphone Business pawlkhat pen US$1.1 Billion tawh leiding in ki thukimkhin uh kici hi.

HTC Company sungah Research & Development asemsa ii alangpen Google te’n zangsuakding uh cihi. Tuapen avekin Research & Development mi 2000 bang ci a, tuateng in Silicon Valley aom Google Firm ah semding uh cihi.

Google te’nzong asawtlo in Pixel kici Smartphone Model thak hawmkhiatsawm uh a, tua akibawlna munah HTC Company panin alaksuak uh Research & Development te’n semsuakding uhhi.

HTC spokesman Peter Shen in Taipei ah akibawl Press Conference ah agenkhiatna ah Google te’n HTC Company aleibehna hangin Smartphone Hardware Business pen thahat saktuamding uhhi ci’n genkhia hi.

Google te’n HTC aleiding pen Regulatory Approval kingaklai ahih manin, maikum kipatlam in kizuak kileina vai siangtheiding cih kiza hi.

Google te’n HTC Company leiding uh ahih manin, Taiwan gamsung (Asia gamsung) ah Google te’n sumbul tampi zatsawm, Investment nakbawlsawm mahmah cih kimuthei hi. Taiwan pen Key Innovation leh Technology Hub in zatsawm uh kici hi.

Google Company te’n abeisa 2012 kum inzong Phone Handset Maker minthang vevekhat ahi Motorola Company leisawn uh a, US$12.5 Billion taktawh alei uh kici hi. Ahi zongin tuazawh kum 2 khitciangin Motorola pen zuakkik uh a, azuakkik ciangin $3 Billion zong khawngzolo kici hi.

Google Company te’n abeisa kumsawtpipek akipan Smartphone Mobile Handset bawlkhiazelzel uh a, ahi zongin Apple te iPhone leh Samsung Phone te zahin minthangzo nailo, ki limzatnailo hi.

More: Nasep nadingin Company ahoihpen kiteelna ah Google in akhatna ngah

Google Company pen nasep nadingin ahoihpenpen Company khatin aki teelkhiazel Company minthang khat hi a, tu’n HTC te nasem mi 2000 bangin Google Company ah nasep angahziau uh ahihi. Smartphone Company te hongki demdem in, Mobile Phone ahoih nono akiman theithei in hong bawlkhialeh ihcihlehlah tammansak semsemmawk uh e, bangcih mawkding 🙂 ZD Sawltak #zomidaily