Google Search Engine ah na Website URL naguan nopleh

Google Search Engine ah na Website URL naguan nopleh

Google Search Engine pen leitung ah aminthang penpen leh akizang penpen Internet Search Engine ahihi. Hih Google Search pen Google Company te neihsa hi a, September 15, 1997 nipan ongki pankhia ahihi. Nikhatsung bekbekin Million tultampi vei (Hundred Million) kizangin Internet ah deihkhatpeuh zonna in kizangden hi. Hihbangin aminthang mahmah Google Index sungah ih Website URL te ongkepsak, ongtheihpih dingpen thupi mahmah hi. Banghanghiam cihleh Google in na Website URL ongtheihpih manin, na Website sung aom thulela khatpeuh akizonciang muhbaihtuam mahmah dinghi.

Google Index sungah na Website URL pen ongna helsak nadingin sumbeilo in ki ngenthei a, ahihhang URL aki Submit khempeuh Google Index sungah helsak zolo uhhi. Google Index ah na Website URL nahel nopleh hih anuai abangin nasin in.

1) Amasa penin hih http://www.google.com/addurl ah napai masa in.

2) “URL:” acih namun ah na Website URL nagelh inla, amai ah “http://” pasak hamtang in. Gtn: https://zomidaily.org

4) URL naguan ciangin na Top-level Page bek guanding hi a, adangte (Gtn: https://zomidaily.com/about-us/) guankul lo hi. Google in adangte nazonbeh dinghi.

3) “Comments:” pen na ut khatpeuhpeuh nagelh zongin phamawh lualoding hi. Gtn: Kindly add my website url to your search engine, please.

4) Anuai ah Security Code gelhnading Box ah akibanglian in gelh inla, nagelh khitteh tua nuai ah “Add URL” acihpen namek in.

5) Atung ateng naman khitteh na Website URL pen Google ah kiguang khinta cih Manglai tawh hihbangin ongsuak dinghi. “Thank you Your site URL has been successfully added to our list of URLs to crawl. Please note that we do not add all submitted URLs to our index, and we cannot make any predictions or guarantees about when or if they will appear.”

Internet tungah leitungbup panin na Website hongki muhpih dingin kongdeihsak mahmah uhhi. Lungdam mahmah hi. ZD Sawltak #zomidaily March 2011