Malaysia Genting Highlands ah mawtaw tuahsia, mi 2 si

Malaysia Genting Highlands ah mawtaw tuahsia, mi 2 si

Malaysia, Genting Highlands aom Hotel khat ii mawtaw koihna Parking panin mawtaw khat lengkhiasuak in, mi 2 in sihlawh cih Bernama pan kiza hi.

Taman Mini Genting Highlands Resort ii mawtaw koihna Multi-storey Car Park ah tuni Thursday zingsanglam in thupiang ahihi. Bentong Police Chief khat ii genkhiatna ah zingsang 4:15am hunpawl in Driver khatin mawtaw koihna innsangdawn panin damdam in ahawlsuk laitak, apanglam phukhiakha in, inndawl 4 na panin alengkhia cihi.

Mawtaw sungah atuang asi mi 2 tepen Selangor, Sepang ah ateeng uh kici hi. Khatpa pen kum 43 aphakhin Chinese Natonal Muy San Mao kici a, adang khatpa pen kum 50 aphakhin L Poolani Samy kici hi.

Inntung panin akumsuk laitak in mawtawhawl pa’n taklam ah akawisakding pen kawimanlo in, apanglam a umna Barrier te taihsuk hi. Tua panin anuai ah Four Storeys pan akiasuk ahihi. Akiatna pen asanna Meter 13 (Pi 42) bang phamawk a, anuai atuksuk ciangin mawtaw pen kilumletgawp sawnsawn hi.

Related: Malaysia Genting Highland paina Cable Car kialo hi ~ ZD

Tuahsiatna apian ciangin Bentong Police te kizasakpah in, amauzong Minute 12 ciangin tungthei uhhi. Mawtaw sungah atuangte pen aphualmah ah sipah uh ahih manin, aluanghawm pen Bentong Hospital ah Postmortem bawlding in kipuak cih kiza hi. Sawltak #zomidaily