Malaysia, Wangsa Maju vengsung ah vankham zuakding in aki ummawh gamdangmi 9 kiman cih Bernama pan kiza hi. Tua Foreigners mi 9 lakah mi 5 tepen Malaysia gamsungah University sangkah in Student Pass tawh aom uh ahihi.
Bukit Aman Narcotics CID (JSJN) director Datuk Seri Mohd Mokhtar Mohd Shariff in agenkhiatna ah Special Tactical Intelligence Narcotics Group (STING) te’n nung Friday ni in amatkhiat uh hi a, vankham akiman khempeuh avekin RM100,000 bang manneiding cihi.
Amatkhiat uh vankham pen Syabu kilogram khat hi a, thukante’n agamtatna uh atheihkhiat ciangin aomna phualteng ah abuluhkhiat uh ahihi.
Tua Foreigners tepen Nigerian gammi 8 leh Ugandan gammi 1 hi a, ageisa kum 3 sungbang in gamtuamtuam ah vankham azuak kawikawi International Syndicate tetawh akizom hiding in ki ummawh hi.
Related: Nigeria gammi zi 86 nei in zihau in aminthang mahmahpa sita ~ ZD
Tua vankham Syabu tepen China panin Malaysia gamsung ah zuakding in alut hi ci’n Bukit Aman, Menara 2 Media Conference ah Mohd Shariff in genkhia hi. Sawltak #zomidaily
Comment piaknop aomleh...