Gam 40 val in sim ding

Gam 40 val in sim ding

US te malak na ahi, IS te sim nading ah gam 40 val in pan pih ding cihi.Australia,Canada, French, UK,UAE te in mipi thei ding in genkhia khin hi.Demark, Finland leh Japan te in ahih leh gal kido na sung a aki zangding zatui za ha , nek leh dawn akipan aki sam te huh ding cihi.Arab gam kipawl na gam 22 pan ahih akisam na bang en a do ding cihi.Hih IS te bang cih do ding (game plan) cih tawh ki sai Obama in i gen ma tuni in, Kerry in Saudi Arabia gam leh Jordan gam te ah pai in thu genpih ding hi.IS te dodan ding tawh kisai in ahih leh Obama in zingciang (wednesday) ni ah gen ding hi.Ahih hang in 2001 kum lai a Iraq gam asim bang in, leilam galkap zang in sim ziahziah sawm lo hi.John Kerry gen na ah manlang tak in sim lo dimg cihi.Kum 2017 ciang zo ding ci in gen hi.

US te in vanlam pan kap a huh na tawh Iraq te in a tui dal na pi uh(dam) IS te khut sung pan lakhia thei uh hi.Hihin a mau a ding mun poi mawh mahmah khsat ahihi.A zenzen in IS te khut sung ah tung in hi leh khuaphe tha leh lo tui lak na lam ah haksak na om thei dingban ah , hih tuidal na susia uh hi leh khua tampi tak tui in tum thei ding cihi.Iraq PM thak pa ahi Haider al-abadi in ama nasep pih ding in Sunni, Kurdish, Shi’ite minam te thu neih na hawmdiam diam hi.Obama in zong ph. tawh hopih pah a, Iraq gam mun 3 ah mun 1ngah ahi IS te sim na ding ah zong thu hoih hi cihi.

Russia deih thau tawi te leh Ukrain te in deih bang lian din ah om thei nailo hi.EU te in Russia te sumlei sum zawk na lam ah ana sia zaw in khak tan sawm lai uh hi. Hih thu hang in Russia te lung kim lo uh a, tua bang nong bawl uh leh ka gam sung vuah van leng leng phal lo ding cihi.EU te deih na in gamgi a letcip te uh khah ding leh galmat te uh ki khek ding , kikap nawn loh ding deih uhhi.

Liberia ah Ebola natnakhang semsem a, tu zawh kal thum ciang mi atul a in om thei ding ci in WHO in gen hi. Hih natna hang in mi 2100 bang si khin in tua lak ah cidam na lam a nasem mi 79 si khin hi cihi.Tua lai tak in zong hih nat na khoi na ah nasem US mikhat van leng tawh US ah apuak laitak uhhi.

London pan in small arm organization reseach te ii kan na ah Islamic State (IS) thau zat te pen US te bawl ci uhhi.Hih bang a agen thei na uh pen Kurdish te in IS te gal van zat te amat na uh pan ahihi ci in,zani in gen hi.Hih thau te pen Saudi Arabia gam pan a, angah uh cihi.Tua ban ah laidalte (document) te abeisa July ni 10 ah Kurdish te in IS te galvan zat te lak pan man uhhi.

Prince Williams leh a zi Kate in a nih na tading nei tading ci in lam en mahmah uh hi. Ata masa pen George Alexander Louis pen July22, 2013 suah hi.Hih nau paii na hang in pi uh ahi, kumpi nu Elizabeth 2 na lung nuam sak hi ciin, thu nei te in gen hi.Hih bang in nau paii ci a kumpi inn Kensington pan a gen na hang in Cambridge ukpi a hi Williams leh azi Kate te lungdam mahmah uhhi cihi.

India leh Pakistan gam ah kal khat sung guahzuah na hang in tui khang, lei cim , inn ki cip na hang in mi 300 bang si ding cihi.Pakistan gam ah Punjad state bang nasia deuh in, lolai an kung te tampi tak kisia hi cihi.Hih thu hang in Pakistan PM Sharif leh India PM Modi te in amun ah pai pah thei uh a,a kisam bang bang huh na te piading in Pakistan PM kiang ah gen hi.Mitam deuk a sih na pen Kashmir hi in, mi tampi tak in hotkhiatna nasem uhhi.

US te in North Korea tekiang ah US mi amat uh mithum te asuaktak sak na ding in gen uhhi.Tua teng lak ah khat ahi Mathew Miller in tukal in athu kisit ding ci in Pyongyang pan gen hi. Adang nih te ahi Kenneth Bae leh Jeffrey Fowle te ahih leh sep.14 ni in thu kisit ding cihi ci in Sunday ni in state media ten gen kjiahi.

Kimawlna
US open tennis chiampion pen Cillic in ngah hi.Croatia Cillic in Japan pan Kei Nishikori pen 6-3,6-3,6-3 in zo ahih man chiampion ngah hi.

IHMUT THEIH NA’NG
Na ihmut thei na’ng: Na ihmut theih na ding in lothaangkaang leh salad teh zan in ne le teh ihmu thei ding hi teh.

• EURO 2016 Qualified
• Sept.8, a kimawl khit te sa azo leh alel te din mun.
• Switzerlang 0-2 England
• Luxembourg 1-1 Belarus
• Spain 5-1Macedonia
• Ukrain 0-1 Slovakia
• Estonia 1-0 Slovenia
• San Marino 0-2 Lithuania
• Russia 4-0 Liectenstein
• Austrialia 1-1 Sweden
• Montenegro 2-0 Moldova

Ref: bbc, jpost, the time of Israel, time, 7 day news, the star paper. Cin Ngaih