Galdona ~ Bob Tuangpi

Galdona ~ Bob Tuangpi

Galdona ih cih in gamkhat ading thupi mahmah hi. Gammi mipite’ nuntak nading leh sihna dong ciang apiangsak khat hi a, gamkhat akip nading zongh hithei-in amanthan nading zongh hithei veve hi. Tua hi-a galmaikhat hong, galdo kipatma-in galdona ii aphattuamna leh supnate ngattakin kantel phot kisam hi.

Gal na zawh nading na galte’ thu akicingtak ( thahatna, thanemna) na theih tel mahmah akul ban ah nangma thu nang mahmah in ( na hatna, na thanemna) na theih masak ding kisam pelmawh hi.

Tua bang na galte’ thu avuicing abul abaal na theih a, nangma thu zongh kiciantak na kitheih khit naak leh gal zavei na do leh zongh zavei mah gal na zo ding hi.

Galdo ding kipan napi’n na galte’ thu lah akician gina theih neilo, nangma thu lah nang leh nang nangawn na kitheih cian kei leh gal na zo ngei kei ding hi.

Ahizongin galsiamna tatak ahih leh gal zavei/(100)do a, zavei mah galzawhna hizawlo-in galdo selo-in galzawh theihna pen galdo siamna tatak hizaw hi. Bob Tuangpi Ref : SUN TZU ( War and Management)