Florida Thupuak (26 Nov 2015)

Florida Thupuak (26 Nov 2015)

LAIZOM-TE,
HAPPY THANKSGIVING ci-in kong nokset masa nuam uhhi.

1. Tukum November kha Thanksgiving hun sungteng South Florida ah Zomi bawhlungsiamte kimawlna leh kilawmtatna nei dingin mun dang state tuamtuam pan tuni-in zin hong tungtung ta uhi cih thu ki za hi. Tunitak (November 25)in zin’ muakna pawi(concert) thupitak leh nopcitak in ki bawl ding hi cih thu, Pa Mungpi in FZI thu kizaksakna Viber pan ong taangko khia aa nungak taangval kilawp mahmah hi.

2. November kha Thanksgiving hun sung mahin Rev. Kham Do Thang(Pastor of Myanmar Mission Church, Hollywood, Florida) zong North Carolina, Charlotte khuapi aom thuummite kiangah Gospel Lungdamnathu taangko dingin pai dinga Saturday ni-in hong tungkik, hong ciahkik ding hi cih thu kiza hi.

3. Hollywood, Florida aom Myanmar Mission Church Pawlpi’ Khangno(Youth)te vaihawmna le makaihsiamna tawh SWEET DECEMBER(Dec 1, 2015-Tuesday) nitak in “ANGELIC HOST CONCERT” nasiatak leh thupitak in bawl ding hi. Hih concert ah Kawlgam pan hongzin Zomi Lasasiam Sia Kam Sen leh pawlpituamtuam pan lasasiam tampi tawh neikhawm ding uhi cih thu kiza aa, khuanu khuapa akua maciat in thapiaciat ni cih a ki hanthawn i hi hi.

Lungdamna lianpi tawh,

THUPUAK TANUTE
FLORIDA THUPUAK
South Florida
USA