Ei Zomi te koicihleng khangto semsemding ~ Dr. Zam Khan Thang

Ih khantoh nading in;

I. Pilna ki sam hi hang
(Pilna a Pia theipa Pasian a hih lam I phawk ding kisam hi)
Pasian zahtakna in pilna ki patna a hih lam phawk a, Pasian thu leh leitung thu tuamtuam te ah pilna sangpipi I neihzawh ding kisam hi.

II. Cidamna kisam hi hang
(Cidamna a pia theipa Pasian ahih lam I phawk ding kisam hi)
Pasian zahtakna in khausau na leh cidamna a hih lam I theih gige ding kisam hi. Koikoi ah ih om a, bangbang I sem zong in I nuntakna ah I cidamna ding mah ngaihsut pipen in nei a, I nekding, I dawnding, I gamtatding, leh I sepding kisam hi.

III. Hauhna kisam hi hang.
(Hauhna a pia theipa Pasian a hihlam I phawk ding kisam hi)
Pasian zahtakna in Hauhna kipatna a hih lam I theih gige ding kisam hi. Mi hing te pen, I khantoh na ding in, sum leh pai tha kisam mahmah a hih lam thei a, I neih sunsun zatsiam ban ah, a met a pung a I bawltheihna ding lamtuamtuam zong a, I hanciam ding in leh hong hausak den ding pa tung ah, citak a sawm ah khat ( sehsuah) I piak ding thupipen ding hi.

IV. Kipum khat na kisam hi hang.
(Ki kipumkhatna a pia theipa Pasian a hih lam I phawk ding kisam hi.)
Pasian zahtakna in kipumkhat theihna lungsim hongpia a hih lam I phawk detding kisam hi.

Mihing te Pasian in, khat leh khat ki huh leh ki panpih ban ah, ki pumkhatna tawh, nasem ding a hong bawl a hih mah bang in, I minam sung ah zong kipum khat na a om ma teng in I khantoh ding baih lo ding hi.

Rev.Dr. Zam Khan Thang (Dr.Thangbawi)

[Note: [email protected] ah Dr. Thawngbawi in 2011 October kha in hongkhakdan lianin khatvei hongki suaksakkik ahihi. Zomi Daily ah suahsaknop naneihleh email tawh kipuak theiden hi.]